चीनको प्रमुख राजनीतिक बैठकमा इन्टरनेटमा 'भीपीएन' प्रयोग नियन्त्रणबारे बहस

फागुन २७, २०८० आइतबार १५:२५:५६ | एजेन्सी

चीनको शीर्ष राजनीतिक बैठकमा इन्टरनेटमा 'भर्चुअल प्राइभेट नेटवर्क' (भीपीएन) प्रयोग नियन्त्रणबारेमा बहस भएको छ । इन्टरनेट प्रयोगकर्ताहरूलाई प्रतिबन्धित वेबसाइटहरूमा पहुँच प्रदान गर्ने भीपीएन नियन्त्रण हुनुपर्नेबारेमा बहस भएको चिनियाँ अधिकारीहरूलाई उद्धृत गर्दै बीबीसीले जनाएको छ ।

इन्टरनेटमा विश्वका अरू देशको तुलनामा चीन बढी नै नियन्त्रण गर्ने गर्छ । चीनको मुख्यभूमि 'वेब' प्रयोगकर्ताहरूले भीपीएन प्रयोग नगरि गुगलदेखि समाचार वेबसाइटहरूमा सबै प्रकारका पहुँच प्राप्त गर्न सक्दैनन् । बैठकमा अधिकारीहरूले भीपीएन प्रयोग रोक्ने प्रयास भए पनि नसकिएको बताएका थिए ।

सरकारी अनुमतिविना वेबसाइटहरूमा पहुँचका लागि प्रयोग गरिने भीपीएन सफ्टवेयर प्रयोगलाई चीनमा अवैध मानिन्छ । सुरक्षाकर्मी र कुटनीतिज्ञहरूलाई भने सामाजिक सञ्जाल एक्सजस्ता प्रतिबन्धित वेबसाइटहरूमा पहुँचका लागि ती भीपीएन प्रयोगलाई अनुमति दिइएको छ । चीनको घरेलु सञ्चार राज्य नियन्त्रित छ । सामाजिक सञ्जालमा सरकारविरुद्ध हुने आलोचना गर्न पाइँदैन ।

गएको वर्ष चिनियाँ राष्ट्रपति सी चिनफिङले सत्तारूढ कम्युनिस्ट पार्टीको इन्टरनेटमाथिको नियन्त्रण ‘बलियाे’ भएको र राज्यले राष्ट्रियताका विषयमा जोखिम सिर्जना गर्ने ‘साइबर स्पेसलाई नियन्त्रण गर्नु’ महत्त्वपूर्ण रहेको बताउनुभएको थियो ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनको प्रमुख राजनीतिक बैठकमा इन्टरनेटमा 'भीपीएन' प्रयोग नियन्त्रणबारे बहस

फाइल फाेटाे

तपाईको प्रतिक्रिया