भेरी करिडोर : सडक स्तरोन्नति र पुल निर्माणको काम अस्तव्यस्त

फागुन ३०, २०८० बुधबार १५:२५:२९ | रासस

जाजरकोट — भेरी करिडोरको एक सय १८ किलोमिटर खण्डमा निर्माण हुने पुल र सडक अस्तव्यस्त भएका छन् । झण्डै ५६ किलोमिटर खण्डमा कालोपत्रको काम भइरहेको छ भने बाँकी ६२ किलोमिटरको अहिलेसम्म बोलपत्र आह्वान नै भएको छैन ।

नेपाली सेनाले अस्थायी ट्रयाक खोलेर सरकारलाई हस्तान्तरण गरिसकेको सडकको स्तरोन्नति नहुँदा यात्रा कष्टकर बन्ने गरेको छ । जाजरकोटको पासागाडबाट नलगाड नगरपालिकाको तल्लुसम्मको सडकमा पाँच वटा पुल निर्माण गर्नुपर्ने भए पनि काम नगरी अलपत्र परेका छन् । बाँकी ६२ किलोमिटर अर्थात् तल्लुबाट डोल्पाको दुनैसम्मका लागि बोलपत्र आह्वान नभएको भेरी करिडोर सडक आयोजना कार्यालयले जनाएको छ ।

तल्लुबाट दुनैसम्म अस्थायी ट्र्याक निर्माण भएसँगै गाडी चले पनि सडक कालोपत्र नहुँदा समस्या हुन थालेको स्थानीय बताउँछन् । दुनै ल्यासिक्या सडक खण्डमा २०७८ सालको चैत १७ गते निर्माणको ठेक्का लगाइए पनि अहिलेसम्म १० प्रतिशत मात्रै काम भएको छ ।

डोल्पाको काइके गाउँपालिकाले सडक आयोजना निर्माण गर्नका लागि भेरी करिडोरलाई पटक–पटक अनुरोध गरे पनि निर्माण व्यवसायी र करिडोरले बेवास्ता गरेको गाउँपालिकाका अध्यक्ष अङगद रानाले बताउनुभयो ।

भेरी करिडोर अस्तव्यस्त हुँदा डोल्पा, जाजरकोट र रुकुम पश्चिमका सर्वसाधारणलाई करिडोर भएर आवतजावत गर्न समस्या हुँदै आएको छ । भेरी कोरिडोरले भारत, नेपाल र चीनलाई जोड्नुका साथै कर्णाली करिडोर र पुष्पलाल मध्यपहाडी लोकमार्गसँग पनि जोडिएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्