सामाजिक कथावस्तु बोकेको ‘द्रौपदी’ आजदेखि प्रदर्शनमा

चैत ८, २०८१ शुक्रबार ८:५०:४५ | उज्यालो सहकर्मी

काठमाण्डौ – सामाजिक कथावस्तुलाई आधार बनाएको चलचित्र ‘द्रौपदी’ आजदेखि देशभर प्रदर्शनमा आएको छ ।

कर्णाली प्रदेशको हिमाली क्षेत्रको वास्तविकतामा केन्द्रित यस चलचित्रले समाजको एक महिलाको सङ्घर्षपूर्ण यात्रालाई पर्दामा उतारेको छ ।

ऋषिराज आचार्यको निर्देशनमा बनेको यस चलचित्रमा आश्विनी शाही, रवि ओड, कविराज भाम, जेएलसन अधिकारी, सुजाता तिमल्सिना, विष्णु ठडराई, प्रकाश ज्ञवाली, सीता बौडेल, सुरज अधिकारी तथा स्वयम् निर्देशक आचार्यको अभिनय रहेको छ ।

चलचित्रलाई आरबी मुभिजको ब्यानरमा निर्माण गरिएको हो । ऋषिराज आचार्य र प्रकाश ज्ञवाली निर्माता रहेको चलचित्रका सह–निर्मातामा विष्णु ठडराई र ऋतु आचार्य रहेका छन् । चलचित्रको कथा, पटकथा, संवाद तथा गीत निर्देशक आचार्यले नै तयार पारेका छन् ।

चलचित्रमा रवि ओडको सङ्गीत र मोहनकुमार झिल्लुको छायाङ्कन रहेको छ । हिमाली भेगको मौलिकतासहित तयार पारिएको यो चलचित्रको शीर्षक महाभारतको पात्र ‘द्रौपदी’सँग मिल्दोजुल्दो भए पनि कथावस्तु फरक रहेको छ ।

निर्देशक आचार्यका अनुसार चलचित्रमा नेपाली समाजको यथार्थता, सांस्कृतिक परम्परा तथा महिलाको जीवन सङ्घर्षलाई मूर्त रूप दिइएको छ । नेपाली सिनेमा क्षेत्रमा फरक कथावस्तु खोज्ने दर्शकका लागि ‘द्रौपदी’ विशेष आकर्षणको केन्द्र बन्ने विश्वास गरिएको छ ।

अन्तिम अपडेट: चैत १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्