काठमाडौं – बर्दियाका प्रमुख जिल्ला अधिकारी रामबहादुर कुरुम्बाङ यस वर्षको इन्टिग्रेटी आइडल बन्नुभएकोछ ।

निजामती कर्मचारीहरुलाई प्रदान गरिने यस सम्मानका लागि छनौट भएका पाँचजना मध्ये एसएमएस र अनलाइन मतका आधारमा प्रमुख जिल्ला अधिकारी कुरुम्वाङ आइडलमा छनौट हुनुभएको हो ।

उहाँलाई शुक्रबार काठमाडौंमा आयोजित एक कार्यक्रममा सम्मान गरिएको हो । २०५५ सालबाट निजामती सेवामा रहेर प्रमुख जिल्ला अधिकारीको रुपमा विभिन्न ७ वटा जिल्लामा काम गरिसक्नुभएका कुरुम्वाङ नागरिकको घरदैलोमा सरकारी सेवा, निडर र नागरिकप्रति जवाफदेही, भ्रष्टचारबिरोधी, जनप्रिय प्रशासक भनी आयोजकले चित्रण गरेको छ ।

इन्टिग्रेटी आई्डलको सम्मानबाट सम्मानित भएपछि उज्यालोसँग कुरा गर्दै कुरुम्वाङले सम्मानबाट आफूमा नागरिकप्रति अझ बढी जिम्मेवारी थपिएको बताउनुभयो । विश्वव्यापी रुपमा सरकारी सेवाका आइडल छान्दै आएको इन्ट्रिग्रेटी आइडलले नेपालमा सन् २०१४ बाट आइडल छान्न शुरु गरेको हो ।