काठमाण्डाैमा शिक्षकहरूको प्रदर्शन

चैत २०, २०८१ बुधबार १५:२९:७ | उज्यालो सहकर्मी

काठमाण्डाै – विद्यालय शिक्षा ऐन जारी गर्नुपर्ने माग राखेर चरणबद्ध आन्दोलनमा रहेका शिक्षकहरूले आज काठमाण्डाैमा प्रदर्शन गरेका छन् ।

नेपाल शिक्षक महासङ्घको अगुवाइमा देशभरका शिक्षकहरू काठमाण्डाै आएर प्रदर्शन शुरू गरेका हुन् । उनीहरूले स्थायी, राहत, साविक उच्च मावि, अस्थायी, करार, बालविकास, सिकाइ अनुदान, विशेष शिक्षा, प्राविधिक धार, निजी तथा संस्थागत विद्यालयका शिक्षक लगायत सबैखाले शिक्षक र विद्यालय कर्मचारी लगायतका समस्यालाई विद्यालय शिक्षा विधेयकमा समेटिनुपर्ने माग गरेका छन् ।

यसअघि शिक्षकसँग भएको सहमति कार्यान्वयन गर्न पनि उनीहरूले माग गरेका छन् । माग पूरा नभएसम्म आन्दोलन जारी राख्ने महासङ्घले जनाएको छ । शिक्षकहरूको प्रदर्शनका कारण दिउँसो काठमाण्डाैको नयाँ बानेश्वरदेखि माइतीघर मण्डलासम्म ट्राफिक व्यवस्थापन अस्तव्यस्त बनेको छ ।

आन्दोलनको नेतृत्व गरेको नेपाल शिक्षक महासङ्घले आन्दोलनमा सहभागी शिक्षकहरूलाई जथाभाबी फोहोर नफाल्न निर्देशन दिएको छ । महासङ्घले हिजै विज्ञप्ति निकालेर आन्दोलनका क्रममा बोटबिरुवा, दुबो, ट्राफिक डिभाइडर तथा अन्य भौतिक तथा जैविक वस्तुको सुरक्षा गर्नुपर्ने र आफूले खाएको पानीको बोतल, खाजा खाँदाको सामग्री लगायत फोहोरजन्य वस्तु आफैँसँग राखी फोहोर फाल्ने ठाउँमा लगेर फाल्नुपर्ने उल्लेख छ ।

पछिल्लो समय आन्दोलन तथा सभा–सम्मेलनका क्रममा गरिएको फोहोरको विषयमा काठमाण्डाै महानगरले सम्बन्धित आयोजकलाई जरीवाना तिराउने गरेकाले यस्तो निर्देशन दिएको नेपाल शिक्षक महासङ्घका महासचिव तुलाबहादुर थापाले बताउनुभयो ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्