धनुषामा भ्यानले अटाे रिक्सालाई ठक्कर दिँदा ३ जनाकाे ज्यान गयाे

 साउन १२, २०७६ आइतबार १९:५४:५२ | शैलेन्द्र महतो
unn.prixa.net

धनुषा - जनकपुर-ढल्केबर सडकखण्डमा यात्रु बाेकेकाे भ्यानले अटो रिक्सालाई ठक्कर दिँदा ३ जनाको ज्यान गएको छ भने एक जना गम्भीर घाइते भएका छन् ।

ज्यान जानेमा अटो रिक्सामा रहेका यात्रु धनुषाको रमेशपुर बस्ने ७२ वर्षका  रामदेव साह, सिरहा ईनरवाकी ५० वर्षीया रेखा यादव र अटो रिक्सा चालक २५ वर्षीय रोशन साह रहेका इलाका प्रहरी कार्यालय सखुवा, महेन्द्रनगरले जनाएको छ ।

दुवै यात्रुको घटनास्थलमै र चालकको रमदैयामा रहेकाे जानकी मेडिकल कलेज शिक्षण अस्पतालमा उपचारका क्रममा मृत्यु भएको हो ।

तीव्र गतिमा जनकपुरतर्फ आउँदै गरेको ना १ ज ७०२२ नम्बरको भ्यानले आइतबार साँझ साढे ५ बजे क्षिरेश्वरनाथ नगरपालिका-१०, ढल्केबरतर्फ जाँदै गरेको ज १ ह ४८९६ नम्बरको अटो रिक्सालाई ठक्कर दिँदा दुर्घटना भएको प्रत्यक्षदर्शीले जनाएका छन् ।

दुर्घटनामा मृत्यु भएका तीनै जनाको शवलाई पोष्टमार्टमको लागि जनकपुर अञ्चल अस्पतालमा राखिएको र घटनाका विषयमा थप अनुसन्धान भइरहेको इलाका प्रहरी कार्यालय सखुवा, महेन्द्रनगरका प्रहरी निरीक्षक अमिर दहालले जानकारी दिनुभयो । 

अन्तिम अपडेट: असोज २८, २०७६

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्छ। 

तपाईको प्रतिक्रिया