उमेर थपघट गरेका कारण केही भारतीय खेलाडीलाई रणजी ट्रफी खेल्न प्रतिबन्ध

पुष १७, २०७६ बिहीबार १६:५६:३० | उज्यालो सहकर्मी

यु–१९ विश्वकप २०१८ को फाइनलमा शतक बनाएर भारतलाई जिताउन महत्वपूर्ण भूमिका निर्वाह गरेका मनजोत कालरालाई उमेरको गडबडीका कारण एक वर्ष रणजी ट्रफी खेल्न प्रतिबन्ध लागाइएको छ ।

दिल्ली जिल्ला क्रिकेट संघले कालरालाई एक वर्षको लागि निलम्बन गरेको हाे । कालरालाई क्लब खेलहरुमा पनि प्रतिबन्ध लगाइएको छ । अब उनका बाबुआमालाई यस निर्णयमा परिवर्तनका लागि अपील गर्ने अधिकार हुनेछ । त्यतिन्जेल उनी दिल्लीको रणजी ट्रफी टीममा सम्मिलित हने छैनन् ।

एउटा यस्तै मुद्दाका भागिदार नीतिश राणालाई रिहा गरिए पनि उनीसँग थप कागजात मागिएको छ । दिल्ली जिल्ला क्रिकेट संघका सचिव विनोद तिहराले स्थानीय समाचार संस्था पीटीआईलाई यी कुराहरु बताएका थिए ।

यस्तो मुद्दामा पनि नीतिश राणालाई दण्डित नगरिएका बारे दिल्ली जिल्ला क्रिकेट संघका सचिवले भने आश्चर्य व्यक्त गरेका छन् । स्पस्टिकरणका लागि उनको जन्म प्रमाण पत्र सहित स्कूल कागजातहरु पनि उनीसँग माग गरिएको बताइएको छ ।

यसबाहेक उमेर गडबडीमा शंकास्पद शिवम मावीको मु्द्दालाई बीसीसीआईमा पठाइएको बताइएको छ । मावी उतर प्रदेशका लागि रणजी ट्रफी खेल्दै आएका छन् ।

अन्तिम अपडेट: कात्तिक ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्