लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
अर्घाखाँची– सोमबार राति १२ बजेदेखि अर्को सूचना जारी नभएसम्मको लागि अर्घाखाँची जिल्ला लकडाउन हुने भएको छ ।
कोरोना भाइरस सङ्क्रमणको जोखिमलाई मध्यनजर गर्दै सोमबार जिल्ला प्रशासन कार्यालयमा प्रमुख जिल्ला अधिकारी विजयराज पौडेलको अध्यक्षतामा बसेको सर्वपक्षीय बैठकले जिल्लालाई लकडाउन गर्ने निर्णय गरेको हो ।
सतर्कता अपनाउन अन्य जिल्लाबाट अर्घाखाँची जिल्लामा प्रवेश गर्ने मालबाहक गाडीबाहेक सार्वजनिक, निजी सवारी साधन, मोटरसाइकल राति १२ बजेपछि बन्द हुने छन् ।
मालबाहक गाडीका चालक र सहचालकको हेल्थ डेस्कमा स्वास्थ परिक्षण हुने भएको छ ।
औषधि पसल र पेट्रोल पम्प भने २४ सै घण्टा खुला रहने छन् ।
खाद्यान्न, ग्यास, तेल र फलफुल पसल प्रत्येक दिन बिहान १० बजेदेखि २ बजेसम्म खुल्ला रहने छन् ।
दूध डेरी र तरकारी पसल बिहान ६ बजेदेखि ९ बजे र बेलुका ४ बजेदेखि ७ बजेसम्म खुला हुने भएका छन् ।