दाङमा प्रहरीले व्यवसायीमाथि कुटपिट गरेको भन्दै अत्यावश्यक पसलहरु बन्द

वैशाख २७, २०७७ शनिबार ९:५०:५८ | हेमराज शर्मा

दाङ - प्रहरीले व्यवसायीमाथि कुटपिट गरेको भन्दै त्यसको विरोधमा तुलसीपुरका अत्यावश्यक सामान उपलब्ध गराउने पसलहरु शनिबारदेखि अनिश्चितकालका लागि बन्द गरिएको छ ।

पालिका र प्रहरी प्रशासनसँगको समन्वयमा खोलिएका पसलहरुमा आएर प्रहरीले जथाभावी लाठी प्रहार गरेको भन्दै तुलसीपुरका व्यापारीहरुले अनिश्चितकालका लागि सबै व्यापार व्यवसाय, उद्योग कलकारखाना वन्द गर्ने निर्णय गरेका हुन ।

शुक्रबार तुलसीपुर उद्योग वाणिज्य संघमा भएको छलफलपछि व्यवसायीहरुले प्रहरीले कृष्ण बहादुर पुन, कालु जैसीलगायतको पसल भित्रै गएर व्यवसायीलाई कुटपिट गरेको घटनाको विरोध गर्दै पसल बन्द गर्ने निर्णय गरेका हुन् ।

लकडाउनको समयमा पनि अति आवश्यक खाद्यान्नका पसलहरु विहान ९ बजेसम्म खोल्ने निर्णय अनुसार पसल खुल्दै आएका थिए ।

अत्यावश्यक सामान भएका पसल खुल्ने सहमति भए पनि प्रहरीले दमन गर्न नछाडेको भन्दै उद्योग वाणिज्य संघ तुलसीपुरले व्यवसायीहरुको सुरक्षालाई मध्यनजर गर्दै व्यापार व्यवसाय बन्द गर्नु परेको जनाएको छ ।

संघले खाना पकाउने ग्याँस लगायतका अति आवश्यक वस्तुहरु समेत सरल रुपमा बिक्री वितरण र आवत जावतमा अवरोध पुर्याएको भन्दै इलाका प्रहरी कार्यालय तुलसीपुरको ध्यानाकर्षण गराएको छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्