अनुमति विना चुनढुङ्गा लिन गएका टिप्परलाई स्थानीयले रोके : टिप्पर सडकमा, चालक क्वरेण्टीनमा

असार ७, २०७७ आइतबार १८:३७:३२ | हेमराज शर्मा

दाङ – बङ्गलाचुली गाउँपालिकाले दर्जनाैँ टिप्पर नियन्त्रणमा लिएकाे छ । कोरोना भाइरस सङ्क्रमणको जोखिमकाे बेला पनि कुनै समन्वय विना सिमेन्ट उद्योगकाे लागि चुनढुङ्गा लिन गएका दर्जनौँ टिप्परलाई गाउँपालिकाले नियन्त्रणमा लिएर ४६ जना चालकलाई क्वरेण्टीनमा राखेकाे छ ।

गाउँपालिका अध्यक्ष भक्तबहादुर वलीले विज्ञप्ति निकालेर घोराही सिमेन्ट उद्योगले गाउँपालिकासँग कुनै समन्वय नै नगरि उद्योगको चुनढुङ्गा ढुवानी गर्न एकाएक सयौँ टिप्पर बङ्गलाचुली प्रवेश गराएको भन्दै रोक लगाएको जानकारी गराउनुभएको छ ।

कुनै सहमति विना गाउँपालिका प्रवेश गरेका दर्जनाैँ टिप्परलाई नियन्त्रणमा लिइएकाे र टिप्पर चालकहरुलाई बङ्गलाचुली गाउँपालिकाको क्वरेण्टीनमा पठाइएको छ । उनीहरुलाई १४ दिनसम्म क्वरेण्टीनमा राखिने गाउँपालिकाले जनाएको छ ।

लकडाउनकाे कारण चुनढुङ्गा ढुवानी नगरेको घोराही सिमेन्ट उद्योगले गाउँपालिकासँग कुनै सम्पर्क र सहमति विना आज सयौँ टिप्पर गाउँपालिका पठाइएको थियो । त्यसलगतै आफूहरुलाई स्वाथ्यमा चुनौती थपिने भन्दै स्थानीयले सडकमा आएर टिप्पर रोकेका थिए ।

घोराही उपमहानगरपालिका ४ काे गोग्लीमा रहेको सगरमाथा सिमेन्ट उद्योगले बङ्गलाचुलीको तापाबाट चुनढुङ्गा ल्याउने गर्दछ । घोराहीदेखि तापासम्म दैनिक दर्जनौँ टिप्पर चुनढुङ्गा लिन जान्छन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्