काठमाण्डौ – कोरोना भाइरसको प्रकोप बढेसँगै नेपाल सरकारले विभिन्न देशबाट चार्टर्ड उडानमार्फत नेपालीलाई स्वदेश ल्याइरहेको छ । 

आज मङ्गलबार पनि विभिन्न पाँच देशबाट चार्टर्ड उडानमार्फत सात सय ८३ नेपाली स्वदेश फर्किएका छन् । 

कोरोनाको कारण अन्तर्राष्ट्रिय उडान बन्द हुँदा स्वदेश फर्कन नपाएका र रोजगारीको लागि गएकाहरु फर्किएका हुन् । 

भोलि बुधबार पनि नेपाल एअरलाइन्स, हिमालयन एअरलाइन्स र टर्किश एअरलाइन्स गरी पाँच वटा उडान हुँदैछ । 

नागरिक उड्डयन प्राधिकरणका अनुसार सबै उडान दिउँसोपछि हुने भएको छ । दिउँसो चार बजे टर्किश एअरलाइन्स इस्तानबुल जाँदैछ ।  राति ८ बजेर ३५ मिनेटमा हिमालयन एअरलाइन्स जेहाद जाँदैछ । त्यस्तै राति ८ बजेर ४५ मिनेटमा र ९ बजे नेपाल एअरलाइन्स क्रमशः कुवेत र नारिता जाँदैछ । राति १० बजेर ४० मिनेटमा हिमालयन दोहा जाँदैछ । 

त्यस्तै विभिन्न देशबाट पाँच वटा उडान नेपाल आउने भएका छन् । हेर्नुहाेस् तालिका–