प्रकाेप काेषमा १५ लाख २० हजार रुपैयाँ जम्मा गर्ने घोराहीका जनप्रतिनिधिकाे निर्णय

असार २६, २०७७ शुक्रबार २०:१९:४४ | हेमराज शर्मा

दाङ – दाङको घोराही उपमहानगरपालिकाका जनप्रतिनिधिहरुले १५ लाख २० हजार रुपैयाँ नगरको प्रकोप व्यवस्थापन कोषमा जम्मा गर्ने निर्णय गरेका छन् ।

नगर कार्यपालिकाको ८६ औँ बैठकले जनप्रतिनिधिहरुको एक महिनाको सेवा सुविधाबापतको १५ लाख २० हजार रुपैयाँ प्रकोप व्यवस्थापन कोषमा जम्मा गर्ने निर्णय गरेको हो ।

नगर प्रमुख नरुलाल चौधरीको अध्यक्षतामा शुक्रबार बसेको बैठकले नगर प्रमुख, उपप्रमुख, वडाध्यक्ष, कार्यपालिका सदस्य र वडा सदस्यहरुले एक महिनाको सेवा सुविधाको रकम कोषमा जम्मा गर्ने निर्णय गरेको प्रवक्ता भरत अर्यालले जानकारी दिनुभएको छ ।

प्रदेश सरकारले पारित गरेको पालिकाका पदाधिकारी र सदस्यहरुले पाउने सुविधासम्बन्धी ऐन २०७६ बमोजिम पाउने सुविधाको एक महिनाको रकम १५ लाख २० हजार जम्मा गर्ने निर्णय भएको हो ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्