काठमाण्डौमा कुन पसल कहिले खोल्ने, कहिले बन्द गर्ने ?

भदौ २५, २०७७ बिहीबार ६:१२:१८ | उज्यालो सहकर्मी

काठमाण्डौ - काठमाण्डौ उपत्यकामा आज बिहीबारदेखि निषेधाज्ञा खुकुलो भएसँगै पसलहरु आलोपालो खोल्न पाइने भएको छ ।

औषधि र स्वास्थ्य सामग्री बिक्रीवितरण गर्ने पसल व्यवसाय जुनसुकै समयमा पनि सञ्चालन गर्न पाइनेछ । खाद्यान्न, दूधजन्य पदार्थ, फलफूल, तरकारी, माछा, मासु बिक्री गर्ने पसलहरु बिहान ११ बजेसम्म र बेलुका ५ बजेदेखि ७ बजेसम्म खोल्न सकिनेछ ।

यस्तै विकास निर्माणसँग सम्बन्धित सामग्री बिक्रीवितरण गर्ने पसल तथा व्यवसायका साथै ढुवानीका लागि प्रयोग हुने गाडी दिउँसो २ बजेदेखि बेलुका ७ बजेसम्म खोल्न पाइने भएको छ । टेक अवे सेवाको साथै अनलाइन डेलिभरी सेवा उपलब्ध गराउने गाडी दिउँसो १२ बजेदेखि बेलुका ७ बजेसम्म सञ्चालन गर्न सकिनेछ । सहकारी संस्थाहरु बिहान ११ बजेदेखि दिउँसो ३ बजेसम्म सञ्चालन गर्न पाइनेछ ।

सपिङ मल, फेन्सी स्टोर, कपडा, जुत्ता पसल, कस्मेटिक पसललगायत पसलहरु सोमबार, बुधबार र शनिबार मात्र खोल्न पाइनेछ । भाँडा र भान्साजन्य साथै यस्तै प्रकृतिका अरु पसलहरु आइतबार, मंगलबार, र शुक्रबार खोल्न सकिनेछ ।

फर्निचर र अटोमोबाइलसम्बन्धी पसल सोमबार र बुधबार खोल्न पाइनेछ । फुटपाथ पसल, ठेला व्यापार, स्टेशनरी पसलहरु, इलेक्ट्रोनिक्स पसलहरु र डिपार्टमेन्टल स्टोरहरु बिहान ११ बजेसम्म र बेलुकी ४ बजेदेखि ७ बजेसम्म खोल्न पाइनेछ ।

गाडी मर्मतसम्बन्धी वर्कसप बिहान ८ बजेदेखि बेलुकी ८ बजेसम्म सञ्चालन गर्न सकिनेछ । उद्योग, कलकारखाना सञ्चालन गर्दा कामदारहरुको खाने बस्ने व्यवस्थाका लागि अनिवार्य रुपमा उद्योग परिसरमै क्याम्पमा राख्ने व्यवस्था सामग्री सम्बन्धित उद्योग, कलकारखाना आफैँले प्रबन्ध गर्नुपर्ने छ ।

यी सबै पसल, व्यवसाय सञ्चालन गर्दा र खोल्दा स्वास्थ्य मापदण्ड अनिवार्य रुपमा पालना गर्न काठमाण्डौ उपत्यकाका तीनवटै जिल्ला प्रशासन कार्यालयले निर्देशन दिएका छन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्