दाङमा ट्र्याक्टरले मोटरसाइकललाई ठक्कर दिँदा दुई जनाकाे ज्यान गयाे

माघ २४, २०७७ शनिबार १३:४३:५७ | हेमराज शर्मा

दाङ - दाङमा ट्र्याक्टरको ठक्करबाट एउटै मोटरसाइकलमा रहेका तीन जनामध्ये दुई जनाको ज्यान गएको छ । एक जना घाइते भएका छन् ।

दुर्घटनामा परेका दंगिशरण गाउँपालिका-३ हेकुलीका २५ वर्षीय विवेक थापा र वडा नं ४ बैबाङका २६ वर्षीय दिनेश खड्काको उपचारका क्रममा कोहलपुरमा ज्यान गएको इलाका प्रहरी कार्यालय तुलसीपुरले जनाएको छ ।

त्यही मोटरसाइकलमा रहेका दंगिशरण ३ रातवगाउँका २४ वर्षीय आकाश कँडेल भने घाइते हुनुभएकाे छ । उहाँको पनि कोहलपुरमा उपचार भइरहेको छ ।

शुक्रवार राति सवा ८ बजेतिर तुलसीपुरबाट पश्चिमतर्फ जाँदै गरेको रा १ त ३४४१ नम्बरकाे ट्र्याक्टरले पश्चिमबाट तुलसीपुरतर्फ आउँदै गरेको रा ६ प १४३४ नम्बरकाे मोटरसाइकललाई दंगिशरण ५ लौबस्ता भन्ने ठाउँमा ठक्कर दिएको थियो ।

दुर्घटनापछि घाइतेलाई उद्धार गरेर राप्ती प्रादेशिक अस्पतालमा प्रारम्भिक उपचारपछि थप उपचारका लागि तीनै जनालाई गएराति नै बाँकेमा रहेकाे कोहलपुर मेडिकल कलेजमा रेफर गरिएको थियो ।

तीव्र गतिका कारण दुर्घटना भएको हुनसक्ने प्रहरीले जनाएकाे छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्