बझाङमा ५० प्रतिशत हाराहारीमा मतदान
बैशाख १५, २०८१ शनिबार
अर्घाखाँची – अर्घाखाँचीको शितगंगा नगरपालिकामा रहेको डम्मरु दहमा डुबेर एक जनाको ज्यान गएको छ ।
शितगंगा वडा नम्बर ३ ठाडामा रहेको डम्मरु दहमा डुबेर स्थानीयवासी ३७ वर्षीय खिमबहादुर नेपालीको ज्यान गएको जिल्ला प्रहरी कार्यालय अर्घाखाँचीका प्रहरी नायब उपरीक्षक (डीएसपी) मुकुन्द रिजालले बताउनुभयो ।
आज आइतवार बिहान झन्डै ८ बजेतिर दहमा हाम फालेकाे देखेपछि नेपालीलाई इलाका प्रहरी कार्यालय ठाडाको टोली र स्थानीयवासीले पानीमुनि हिलोमा गाडिएकाे अवस्थामा उद्धार गरेका थिए । उद्धारपछि नेपालीलाई उपचारका लागि प्राथमिक स्वास्थ्य केन्द्र ठाडा पुर्याइएकोमा उनकाे ज्यान गइसकेकाे थियाे ।
नेपालीका श्रीमती रोजगारीका लागि भारतमा छिन् । मृतक नेपाली आमा र दुई छोरीसँग बस्दै आएका थिए ।