दसैंमा नारायणगढ–मुग्लिन सडकखण्डमा जाम नहुने

असोज १९, २०७५ शुक्रबार १२:१८:० | उज्यालो सहकर्मी

काठमाडौं – दसैंमा नारायणगढ–मुग्लिन सडकखण्डमा जाम नहुने नारायणगढ मुग्लिन सडक आयोजनाले दाबी गरेको छ । सडक विस्तारको काम अन्तिम चरणमा पुगेको भन्दै आयोजनाले अब यो सडकखण्डमा लामो जाममा बस्नुनपर्ने दाबी गरेको हो ।

आयोजनाका सूचना अधिकारी इन्जिनियर शिव खनालका अनुसार यो सडकखण्डमा सडक सुरक्षाको थोरै काम बाहेक अरु सबै काम सकिएको छ । यस्तै पहिरो गैरहने ठाउँमा पनि पहिरो नखस्ने प्रविधि अपनाइएकाले अब नारायणगढ–मुग्लिन सडकको यात्रा सहज हुने उहाँको भनाई छ ।

यो सडकखण्डमा साँघुरा पुलमा केही जोखिम रहेको भन्दै उहाँले १८ वटा पुलमा पुग्ने वित्तिकै गाडीको गति कम गर्न चालक बाध्य हुने विधि अपनाइएको पनि जानकारी दिनुभयो । यस्तै सडक भासिएको ठाउँमा मर्मतको काम चाडपर्वपछि हुने पनि आयोजनाका सूचना अधिकारी खनालले बताउनुभयो ।

अहिले नै मर्मत गर्दा फेरि जाममा बस्नुपर्ने बाध्यता हुने भएकाले चाडपर्वपछि मात्रै मर्मतको काम गर्ने आयोजनाले जनाएको छ । यो सडकखण्डको १७ किलो, २६ किलोलगायतका केहि ठाउँमा सडकभन्दा तल बनाइएको पर्खाल भत्किएर सडक भासिएको छ ।

अन्तिम अपडेट: बैशाख ५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्