‘निर्मलाकाे न्यायका लागि टाँसिएका पोष्टर च्यातेर प्रधानमन्त्रीको फोटो राख्दैमा नयाँ युगको प्रारम्भ हुँदैन’

मंसिर १८, २०७५ मंगलबार १६:५८:५० | पुरुषोत्तम गिरी

सल्यान – नेपाली कांग्रेसकी केन्द्रीय सदस्य डाक्टर डिला संग्रौलाले निर्मलालाई न्याय दिन नसक्ने अहिलेको प्रधानमन्त्री र सुरक्षा गर्न नसक्ने गृहमन्त्रीले नैतिकताका आधारमा तत्काल राजीनामा दिनु पर्ने बताउनु भएको छ ।

कञ्चनपुरकी १३ वर्षीया बालिका निर्मला पन्तको बलत्कारपछि हत्या भएको चार महिना बितिसक्दा समेत परिवारले न्याय पाउन नसकेको भन्दै नेतृ संग्रौलाले प्रधानमन्त्री केपी शर्मा ओली र गृहमन्त्री रामबहादुर थापाले तत्काल राजीनामा दिनुपर्ने माग गर्नुभयो ।

नेपाल प्रेस युनियन सल्यानले मंगलबार सल्यान खलंगामा आयोजना गरेको पत्रकार सम्मेलनमा बोल्दै संग्रौलाले प्रधानमन्त्री र गृहमन्त्रीले नै निर्मलाको प्रमाण नष्ट गर्न लगाएको आरोप लगाउनुभयो ।

सिंगो समाजले निर्मलालाई न्याय देउ भनेर सडकमा ओर्लिरहँदा पनि सरकार निर्लज भएर बसिरहेको उहाँको आरोप थियो । उहाँले भनुभयो, ‘निर्मलालाई न्यायको लागि टाँसिएका पोष्टर च्यातेर केपी ओलीको फोटो राख्दैमा नयाँ युगको प्राराम्भ हुँदैन । विधिको शासन र पीडितलाई न्याय दिलाउन सक्नुपर्छ ।

अहिलेको सरकारले न्याय नभएको देश बनाइसक्यो । न्याय मरिसकेको छ, हजारौं निर्मलाहरु बलात्कृत छन । यदि सरकार छ भने अपराधी र बलात्कारीलाई जसरी पनि सार्वजनिक गरी पीडितलाई न्याय दिनुपर्छ । म अहिलेको प्रधानमन्त्रीलाई न्याय दिलाउन आग्रह गर्दछु ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्