विधानको मस्यौदा र राजनीतिक प्रतिवेदन कांग्रेसले आज टुंगो लगाउने

मंसिर २८, २०७५ शुक्रबार १५:५७:४० | उज्यालो सहकर्मी

काठमाडौं – नेपाली कांग्रेसले महासमिति बैठकमा पेश गर्ने राजनीतिक प्रतिवेदन र विधानको मस्यौदा प्रतिवेदन शुक्रबार टुंगो लगाउँदैछ ।

शुक्रबार बस्ने केन्द्रीय कार्यसमितिको बैठकले यसअघिको प्रस्ताव र त्यसमाथि केन्द्रीय सदस्यहरुले राखेका सुझाव समेत समेटेर अन्तिम रुप दिइने तयारी रहेको कांग्रेस केन्द्रीय कार्यालयले जनाएको छ ।

महासमिति बैठकमा पेश हुने आर्थिक प्रतिवेदन यसअघि नै केन्द्रीय समितिले पारित गरेपनि राजनीतिक प्रतिवेदन र विधान मस्यौदा विवादका कारण टुंगो लाग्न सकेको छैन । भोलिदेखि काठमाडौंमा शुरु हुने महासमिति बैठकका सहभागीको नाम दर्तालगायतका काम चलिरहेको कार्यालयले जनाएको छ ।

आउँदो मंगलबारसम्म चल्ने बैठकमा सहभागी हुन कांग्रेसका महासमिति सदस्यहरु काठमाडौं आउने क्रम चलिरहेको छ । सङ्घीयता अनुसार पार्टीको विधानलाई परिमार्जन गर्न भोलिदेखि कांग्रेसको महासमिति बैठक बस्न लागेको हो ।

नयाँ विधानलाई महासमितिका कम्तिमा दुई तिहाइ सदस्यले पारित गरेपछि मात्र पारित हुने व्यवस्था छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्