३३ केजी सुनकाण्ड तथा वाइडबडी खरिदलगायतका भ्रष्टाचारविरुद्ध कांग्रेसले आवाज नै उठाउन सकेन : नेता केसी

मंसिर २९, २०७५ शनिबार १४:५५:४१ | उज्यालो सहकर्मी

काठमाडौं – नेपाली कांग्रेसका केन्द्रीय सदस्य अर्जुननरसिंह केसीले महासमिति बैठकले पार्टीलाई गुट उपगुटबाट माथि उठाउन सक्नुपर्ने बताउनुभएको छ ।

शनिबारदेखि राजधानी काठमाडौंमा सुरु महासमिति बैठकको उद्घाटन सत्रलाई सम्बोधन गर्दे केन्द्रीय सदस्य केसीले गुट/उपगुटको अन्त्य नभएसम्म कम्युनिष्टसँग लड्न नसकिने भन्दै उहाँले विगतमा भएका गल्तीबारे बिना पूर्वाग्रह समीक्षा गरिनुपर्ने बताउनुभयो ।

गुट/उपगुटभन्दा पनि विधि, नीति र संस्थागत निर्णय गर्ने आधारशीला तयार हुनुपर्नेमा उहाँले जोड दिनुभयो । विवेक बन्दकी नराखी लोकतान्त्रिक पद्धतिबाट साझा निर्णयमा पार्टीको नेतृत्व जानुपर्ने उल्लेख गर्दै उहाँले महासमितिका सदस्यहरुबाट ‘नेता होइन नीति, व्यक्ति होइन विचार र शक्ति होइन सत्यको पछाडि लाग्छु’ भन्ने संकल्पसहितको प्रतिवद्धता आउनुपर्ने बताउनुभयो ।

उहाँले लोकतन्त्रको संरक्षण लोकतन्त्रवादी नेपाली कांग्रेसबाट मात्रै हुन सक्ने भएकाले त्यसका लागि पार्टी एकता अत्यावश्यक रहेको औल्याउनुभयो । स्वइच्छाचारी ढंगले पार्टी चल्न नसक्ने भन्दै उहाँले हरेक पदाधिकारीहरु महाधिवेशनबाटै निर्वाचित हुनुपर्ने पद्धति बसाल्नुपर्ने बताउनुभयो ।

गुट/उपगुटकै कारण ३३ केजी सुन काण्ड र वाइडबडी खरिदलगायतका भ्रष्टाचारविरुद्ध प्रतिपक्ष दलको आवाज बुलन्द हुन नसकेको भन्दै उहाँले एकताको सवाललाई महासमिति बैठकले निर्णायक बिन्दुमा पुर्याउनुपर्ने उल्लेख गर्नुभयो ।

महासमिति बैठकले कम्युनिष्ट सत्तासँगको संघर्षको रणनीति बनाउनुपर्नेमा पनि उहाँले जोड दिनुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

३३ केजी सुनकाण्ड तथा वाइडबडी खरिदलगायतका भ्रष्टाचारविरुद्ध कांग्रेसले आवाज नै उठाउन सकेन : नेता केसी

फाइल तस्बिर

तपाईको प्रतिक्रिया