मेलम्चीको ठेकेदार सीएमसी कामै नसकी भागे पनि सरकारलाई घाटा हुँदैन : मन्त्री मगर

पुष ५, २०७५ बिहीबार १८:३६:४७ | उज्यालो सहकर्मी

काठमाडौं – खानेपानी मन्त्री बीना मगरले मेलम्ची खानेपानी आयोजनाको ठेक्का लिएको कम्पनी सीएमसीले काम छोडेर भागे पनि बाँकी काम सरकार आफैले गर्न सक्ने बताउनुभएको छ ।

प्रतिनिधिसभा अन्तर्गतको अर्थ समितिको बैठकमा बिहीबार खानेपानी मन्त्री मगरले सीएमसीको ठेकेदार काम छाडेर भागे पनि नेपाल सरकारलाई घाटा नलाग्ने दावी गर्नुभएको हो ।

निर्माण सम्पन्न नगरेको अवस्थामा निर्माण कम्पनीविरुद्ध सिंगापुरको उच्च अदालतमा लड्न सक्ने अधिकार सरकारसँग सुरक्षित रहेको पनि उहाँले उल्लेख गर्नुभयो । सरकारले भुक्तानी दिने सम्बन्धमा भने निर्माण सम्पन्न तथा रोकिएको काम सुरु गर्ने सम्बन्धमा केही शर्त राखेको उहाँले उल्लेख गर्नुभयो । ठेकेदार कम्पनीले १ अर्ब ६५ करोडको दावी गरे पनि सरकारले अब ३४ करोड मात्रै भुक्तानी गर्न बाँकी रहेको भन्दै काम छोडेर भागे पनि नेपाललाई घाटा नपर्ने उहाँले दावी गर्नुभयो ।

मन्त्री मगरले आयोजनाको बाँकी कामहरु ठेकेदार कम्पनी स्वयमले नभई सहयोगी कम्पनीमार्फत भइरहेको र ती कम्पनी सरकारसंगको सिधा सम्पर्कमा रहेकाले बाँकी काम तीनै सहयोगी कम्पनी मार्फत गर्न सकिने दावी पनि गर्नुभयो ।

काठमाडौंवासीले मेलम्चीको पानी पर्खिरहेका बेला निर्माणको ठेक्का लिएको कम्पनी नै काम छोडेर भागेको खबर आएपछि समितिले त्यसबारे चासो राख्दै सम्बन्धित मन्त्रीलाई छलफलमा बोलाएको हो ।

अन्तिम अपडेट: माघ १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मेलम्चीको ठेकेदार सीएमसी कामै नसकी भागे पनि सरकारलाई घाटा हुँदैन : मन्त्री मगर

तस्बिर - रासस

तपाईको प्रतिक्रिया