गुरुत्वाकर्षणको नियम न्यूटनले पत्ता लगाएको होइन, भास्कराचार्यले हो तर प्रचार भएन : प्रधानमन्त्री ओली

 पुष १६, २०७५ सोमबार १८:१३:२ | मदन पौड्याल

काठमाडौं – त्रिभुवन विश्वविद्यालयको ४४ औँ दीक्षान्त समारोहमा प्रधानमन्त्री केपी शर्मा ओलीले सोध्नुभयो,‘ ग्र्याभिटेशनको सिद्धान्त कसले पत्ता लगायो ?’

सहभागीबाट उत्तर आउन नपाउँदै उहाँ आफैले जवाफ दिनुभयो, ‘तपाईँहरुले भन्नुहुनेछ न्यूटनले । तर होइन न्यूटनभन्दा ६/७ सय वर्ष अगाडि नै भास्कराचार्य भन्ने हाम्रा विद्धानले ग्र्याभिटेशनसम्बन्धी सिद्धान्त पत्ता लगाउनुभएको थियो ।’

प्रधानमन्त्री ओलीले भास्कराचार्यले १२१० मा नै ‘ग्र्याभिटेशन थिएरी’ भनेर किताब प्रकाशन गरेको उल्लेख गर्नुभयो । प्रधानमन्त्री ओलीले भन्नुभयो, ‘गुरुत्वाकर्षणको सिद्धान्त के हो ? पृथ्वी कस्तो छ ? ती सबै पत्ता लगाउनुभएको थियो तर यत्तिकै बस्यो । जसले गर्दा ६/७ सय वर्ष पछाडि पत्ता लगाउने न्यूटन गुरुत्वाकर्षण सिद्धान्तका आविष्कारक भए । हाम्रा पुर्खाहरुले तारा, ग्रह नक्षेत्र हेरेरै तिनको असर र प्रभाव विश्लेषण गर्थे । औषधि विज्ञानमा उस्तै ज्ञान थियो तर प्रचारप्रसार भएन ।’   

दीक्षान्त समारोहलाई सम्बोधन गर्दै प्रधानमन्त्री ओलीले पुर्खाले पैदा गरेका तथा उत्पादन गरेका ज्ञान र सिद्धान्तको दावी पनि गर्न नसकेर, प्रचार पनि गर्न नसकेर पछाडि परेको बताउनुभयो ।

पुराना ज्ञान तथा सीपको सही सदुपयोग र प्रचार गर्न नसक्दा पछाडि परेको भन्दै उहाँले आफ्नो ज्ञान र सीपको सदुपयोग गर्न दीक्षित भएका विद्यार्थीलाई आग्रह गर्नुभयो । दीक्षित जनशक्तिले कक्षाकोठा बाहिर, विद्यालय बाहिर र विश्वविद्यालय बाहिर नै ज्ञानको सागर छ भन्ने बुझेर अब पौडी खेल्न तयार हुनुपर्नेमा जोड दिनुभयो ।

त्रिभुवन विश्वविद्यालयको ४४ औँ दीक्षान्त समारोहमा नौ हजार ५ सय ५ जना विद्यार्थी दीक्षित भएका छन् । २०७४ साल जेठ १८ देखि ७५ जेठ मसान्तसम्म ट्रान्सक्रिप्ट लिएका ७४ हजार २ सय ८२ विद्यार्थी मध्ये ९ हजार ५ सय ५ जना विद्यार्थी दीक्षित भएका हुन् ।
 

अन्तिम अपडेट: कात्तिक २९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मदन पौड्याल

उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ।  

 

2 Comments

  • ज्योति

    Jan. 1, 2019, 12:20 p.m.

    जानेर नजानेर यिनले भनेको यो चाहिँ कुरा ठिक हो | भाष्कराचार्यले न्युटन जन्मनु अघि नै यो पत्ता लगाएका हुन् |

  •  0 Reply

  • Govinda

    Dec. 31, 2018, 7:10 p.m.

    The ultimate joke for 2018

  •  0 Reply

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

३

सार्वजनिक ऋण २५ खर्ब १८ अर्ब रुपैयाँ पुग्याे, ४ महिनामा ८४ अर्ब थपियाे

४

हार्दिक पान्ड्या टी–२० अलराउन्डर वरीयताकाे शीर्ष स्थानमा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई