रेशम चौधरीको पद तथा गोपनीयताको सपथ स्वाभाविक हो : मन्त्री बास्कोटा

पुष १९, २०७५ बिहीबार १८:१२:५७ | उज्यालो सहकर्मी

काठमाडौं – सरकारले पुर्पक्षका लागि थुनामा रहेका सांसद रेशमलाल चौधरीको पद तथा गोपनीयताको सपथ स्वाभाविकै भएको टिप्पणी गरेको छ ।

सरकारका प्रवक्ता एवम् सूचना तथा संचार प्रविधिमन्त्री गोकुल बास्कोटाले कानुनी प्रक्रिया अनुसार चुनाव लडेका, नागरिकले जिताएका सांसद चौंधरीको पद तथा गोपनीयताको सपथ स्वाभाविकै भएको प्रतिक्रिया दिनु भएको हो ।

बिहीबार संचारकर्मीमाझ उहाँले अदालतको फैसला अनुसारको कानुनी कारबाही भने सांसद चौधरीले भोग्ने पर्ने पनि स्पष्ट पार्नुभयो । राज्यले अदालतले गरेको निर्णय मान्नैपर्ने मन्त्री बास्कोटाको भनाई छ ।

मन्त्री बास्कोटाले वाइडबडी विमान खरिद प्रक्रियामा सम्बन्धमा संसदीय उपसमितिले तयार पारेको प्रतिवेदनको आधारमा कसैलाई पनि कारबाही नगर्ने पनि स्पष्ट पार्नुभयो । उहाँले वाइडबडी विमान खरिद सम्बन्धमा सार्वजनिक लेखा समितिको उपसमितिले तयार पारेको प्रतिवेदन बाहिर सार्वजनिक भएकोमा पनि असन्तुष्टि व्यक्त गर्नुभयो ।

उपसमितिको विमान खरिद सम्बन्धीको प्रतिवेदन समितिमा पेश भएको र समितिको निर्देशन आएपछि सरकारले त्यस सम्बन्धमा आवश्यक निर्णय लिने पनि मन्त्री बास्कोटाले जानकारी दिनुभयो ।

मन्त्री बास्कोटाले उपसमितिले लगाएको त्योे आरोप पुष्टि गर्न सरकार आफैँले पनि छानबिन समिति गठन गर्ने स्पष्ट पार्नुभयो । बुधबार बसेको सार्वजनिक लेखा समितिको बैठकमा पर्यटन मन्त्री रवीन्द्र अधिकारीलाई समेत कारबाही गर्नुपर्ने निष्कर्षसहित उपसमितिले आफ्नो प्रतिवेदन समितिमा बुझाएको थियो ।

प्रतिवेदनमा वाइडबडी विमान खरिदमा ४ अर्ब ३५ करोड भ्रष्टाचार भएको निष्कर्ष निकाल्दै त्यसमा मुख्य भूमिकामा रहेका नेपाल वायु सेवा निगमका महाप्रबन्धक सुगतरत्न कंसाकारलाई तत्काल निलम्बन गरी हदैसम्मको कानुनी कारबाही गर्नुपर्ने सुझाव पनि दिएको छ ।

मन्त्री बास्कोटाले आरोप पुष्टि भए वाइडबडी विमान खरिद प्रकरणको दोषीमाथि कडा कारबाही गर्न सरकार तयार रहेको पनि स्पष्ट पार्नुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रेशम चौधरीको पद तथा गोपनीयताको सपथ स्वाभाविक हो : मन्त्री बास्कोटा

फाइल तस्बिर

तपाईको प्रतिक्रिया