कम्युनिष्ट विचारधारा विपरीत रहेको सहकारीमा कम्युनिष्टहरुकै वर्चश्व छ: कांग्रेस

पुष २१, २०७५ शनिबार १६:२८:५ | उज्यालो सहकर्मी

काठमाडाैं - नेपाली कांग्रेसका नेताहरुले आफूहरुले उठाएको सहकारीको अवधारणामा कम्युनिष्टहरुको वर्चश्व बढ्दै गएको भन्दै चिन्ता व्यक्त गरेका छन् ।

शनिबार काठमाडाैंमा भएका दुई छुट्टाछुटै कार्यक्रममा कांग्रेस नेताहरुले कम्युनिष्ट विचारधारा विपरीत रहेको सहकारीमा कम्युनिष्टहरुकै वर्चश्व भएको टिप्पणी गरेका हुन् ।

सहकारी अर्थनीति कम्युनिष्ट विचारधाराको विपरीत भएपनि अहिले मुलुकभरका सहकारीमा वामपन्थीकै वर्चश्व रहेको भन्दै सहकारी संस्थामा संलग्नता बढाउनुपर्नेमा जोड दिए ।

फियन बचत तथा ऋण सहकारी संस्थाको आठौं बार्षिक साधारणसभालाई सम्बोधन गर्दै कांग्रेस नेता पूर्व अर्थमन्त्री डाक्टर रामशरण महतले कांग्रेसले बनाएको सहकारीको आधारको उपयोग कम्युनिष्टहरुले गरिरहेको बताउनुभएको हो ।

त्यस्तै शनिबार नै बीपी स्मृति सामुदायिक सहकारी अस्पतालको ११ औ वार्षिक साधारणसभालाई सम्बोधन गरेका पूर्व उपप्रधानमन्त्री एवं कांग्रेस उपसभापति बिमलेन्द्र निधिले पनि सहकारी अर्थनीति सुरु गरेको कांग्रेस नै सहकारी अभियानमा पछि परेको र कम्युनिष्टको वर्चश्व बढेको बताउनुभएको छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्