आर्थिक समृद्धि हासिल गर्ने यात्रामा आमसञ्चार माध्यम जिम्मेवार बन्नुपर्छ: मुख्यमन्त्री राई

पुष २७, २०७५ शुक्रबार २०:३५:५ | सन्ताेष रुचाल

धनकुटा – नेपालको राजनीतिक परिवर्तनपछि आर्थिक समृद्धि हासिल गर्ने यात्रामा आमसञ्चार माध्यमलाई जिम्मेवार बन्न प्रदेश नं–१ का मुख्यमन्त्री शेरधन राईले आग्रह गर्नुभएको छ ।

प्रेस काउन्सिल नेपालले धनकुटामा आयोजना गरेको श्रमजीवी पत्रकारको अवस्था र पत्रकार आचारसंहिता विषयक प्रदेशस्तरीय कार्यक्रमलाई शुक्रबार सम्बोधन गदै उहाँले यस्तो अभिव्यक्ति दिनुभएकाे हाे ।

सञ्चारमाध्यम तथा सञ्चारकर्मीले प्रेस काउन्सिलले बनाएका कानुनलाई पालना गर्न जोड दिंदै पत्रकारलाई जिम्मेवारपूर्ण भूमिका निर्वाह गर्नु पर्नेमा उहाँले जोड दिनुभयो । यस्तै, प्रदेश सरकार श्रमजीवी पत्रकारमैत्री हुने दावी गर्दै श्रमजीवी सञ्चारमाध्यमलाई सम्बोधन गर्न प्रदेश सरकारले बजेट व्यवस्थापन गर्ने उहाँले बताउनुभयो ।

मिडियाको दुरुपयोग गरेर समाजलाई प्रदूषित गर्ने काम भइरहेको भन्दै उहाँले त्यस्ता कार्यप्रति जिम्मेवार पक्षको गम्भीर ध्यान जानुपर्नेमा उहाँले जोड दिनुभयाे ।

कार्यक्रममा प्रेस काउन्सिल नेपालका सदस्य इश्वरी ओझाले देशमा आमूल परिवर्तन नभइसकेकोले पहिलाको नियमबाट अबको पत्रकारिता चल्न नसक्ने विचार व्यक्त गर्नुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्