नगरपालिकाको माइन्यूट च्यातियो

माघ १, २०७५ मंगलबार १२:५:३८ | सिताराम अधिकारी

धादिङ – नगरपमुखले बैठकमा उपस्थिति मात्र गराउने र छलफल सुरु गर्दा नगर्दै सकिने गरेको बैठकका निर्णयहरु छलफल नै नभएको विषयमा हुने गरेको आरोप लगाउँदै नीलकण्ठ नगरपालिकाको निर्णय पुस्तिका च्यातिएको छ ।

बैठकको निर्णय पुुस्तिका नीलकण्ठ नगरपालिका वडा नं. १२ का वडाध्यक्ष बाबुराम लम्सालले एकलौटी निर्णय भएको भन्दै च्यातिदिनुभएको छ । नगरप्रमुख भिमप्रसाद ढुङ्गानाले आफ्नो हालीमुहाली गरेर निर्णय फेर्ने गरेका कारण सोमबार भएको बैठकको निर्णय पुस्तिका आफूले च्यातेको लम्सालले बताउनुभयो ।

‘नेपालको कानुनअनुसार सबै चल्नु पर्दछ । तर नगरप्रमुखले मनोमानी गर्नुभयो’, वडाध्यक्ष लम्सालले बताउनुभयो । कानुनअनुसार निर्णय पुस्तिकामा लेखिएका निर्णय प्रमुख प्रशासकीय अधिकृतले प्रमाणीकरण गर्नु पर्ने हो । तर आफ्नै अनुकुलमा निर्णय लेख्ने र नगरप्रमुख आफै प्रमाणित गर्ने गरेकोले यसका विरुद्ध वडाअध्यक्षहरु समेत विभाजित भएका छन् ।

उपस्थित भनेर खाली पानामा हस्ताक्षर गर्न लगाउने पछि त्यसैलाई निर्णय बनाउने गरेको उहाँले आरोप लगाउनुभयो । ७ लाखको तारजाली, ५ लाखको खानेपानी पाइप वितरण गर्दा न वडालाई जानकारी भयो न कार्यपालिका वैठकमा यस किसिमका विषय उठाइयो, आक्रोशित हुँदै लम्सालको भनाइ छ ।

जम्मा १४ वडा रहेको नीलकण्ठ नगरपालिकामा नगरप्रमुखको विपक्षमा ८ जना वडाअध्यक्षहरु देखा परेका छन् भने ६ वडाअध्यक्ष नगरप्रमखको पक्षमा देखिएका छन् ।

यसअघि पनि नगरप्रमुख भिमप्रसाद ढुङ्गानालाई नगरभित्रका विकास निर्माण तथा एकलौटी गरेको आरोप लागेको थियो । नगर उपप्रमुख लगायत वडा अध्यक्षहरुले कानुनको उल्लङ्घन गरेको भन्दै नगरप्रमुखको कार्यप्रति असन्तुष्टि व्यक्त गर्दै आएका छन् ।

नगरप्रमुख ढुङ्गानाले भने आफूलाई लागेको आरोप झुट रहेको बताउनुभएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्