वाइडबडी जहाज खरिद प्रकरणमा कांग्रेस सभापति दोषी ठहरिए कारबाही हुनुपर्छ : डा. महत

माघ १, २०७५ मंगलबार १५:७:४२ | राजु लामिछाने

रुकुम पश्चिम – नेपाली कांग्रेसका नेता डा.रामशरण महतले वाइडबडी जहाज खरिदमा नेपाली कांग्रेसका सभापति शेरबहादुर देउवा दोषी भएमा पनि कारबाही हुनुपर्ने बताउनुभएको छ ।

नेपाली कांग्रेसका केन्द्रीय सदस्य समेत रहनुभएका नेता महतले त्यो अनियमिततामा संलग्न जोसुकै भए पनि कारबाहीको भागिदार हुनुपर्नेमा जोड दिनुभयो ।

नेपाल प्रेस युनियन रुकुम पश्चिमले चौरजहारीमा गरेको पत्रकार सम्मेलनमा बोल्नु हुँदै उहाँले कांग्रेस सभापतिमाथि आरोप लागेको र छानबिनपछि वास्तविकताबाहिर आउने बताउनुभयो ।

‘आरोप सत्य हुन्छ भन्ने छैन, दोषी ठहरिए उहाँमाथि पनि कारबाही हुन्छ’, डा. महतले भन्नुभयो, ‘संसदको सार्वजनिक लेखा समितिअन्र्तगतको छानबिन उपसमितिले छानबिन गरी दोषी ठहर्‍याइसकेपछि सरकारले पुनः अर्को छानबिन समिति गठन गरेर दोषी उम्काउन खोजेको छ । यसले संसदीय सर्वोच्चता र लोकतन्त्रकै खिल्ली उडाएको छ । अनियमिततामा संलग्नलाई कारबाही हुनुपर्छ ।’

उहाँले देशमा अराजकता र भष्टाचार मौलाउँदै गएको बताउँदै सरकारले विकास र सुशासन दिन नसकेको आरोप लगाउनुभयो । प्रधानमन्त्री केपी शर्मा ओली सानातिना कुरामा अल्झिएको बताउँदै उहाँले प्रधानमन्त्री कार्यालयलाई विभिन्न विभागहरुको अखडा बनाउँदै गरेको आरोप लगाउनुभयो । उहाँले भन्नुभयो, ‘यो राम्रो कुरा होइन, प्रधानमन्त्रीले समन्वय गर्ने र निर्देशन दिने हो तर उनी हरेक कुरामा आफै हस्तक्षेप गदैछन् । यसले लोकतन्त्रलाई सुदृढ गदैन ।’

कतिपय स्थानीय सरकारहरुले मनोमानी कर उठाइरहेको, बजेट खर्च मनोमानी रुपमा गरिरहेको, भ्रष्टाचार बढिरहेको भए पनि संघीय सरकारले नियन्त्रण गर्न नसकेको नेता महतले बताउनुभयो । देशमा अराजकता बढे पनि सरकारले सुशासन कायम गर्न नसकेको उहाँले आरोप लगाउनुभयो ।

केही दिनअघि प्रधानमन्त्रीले संसदमा गरेको सम्बोधनमा प्रस्तुत गरेको आर्थिक सूचकाङ्क र नेपाल राष्ट्र बैंकले निकालेको आर्थिक प्रगतिको सूचकाङ्कमा मेल नखाएको भन्दै झुटको खेती नगर्न उहाँले प्रधानमन्त्रीलाई सुझाव दिनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्