संघीयताको मर्म अनुरुप अधिकारहरु तल्लो तहमा दिनुपर्छ: फोरम सहअध्यक्ष श्रेष्ठ

माघ ४, २०७५ शुक्रबार २०:१२:५४ | उज्यालो सहकर्मी

कपिलवस्तु – संघीयताको मर्म र भावना अनुरुप केन्द्रको अधिकार प्रदेश तथा स्थानीय तहमा पुर्याउन ढिलाइ भइरहेको संघीय समाजवादी फोरम नेपालका सहअध्यक्ष राजेन्द्र श्रेष्ठले बताउनु भएको छ ।

संघीय प्रेस फोरमले शुक्रबार तौलिहवामा आयोजना गरेको पत्रकार भेटघाट कार्यक्रममा बोल्दै श्रेष्ठले आउँदो हिउँदे अधिवेशनमा बाँकी मुद्धाहरुलाई संविधान संशोधनबाट सम्बोधन गरिने अपेक्षा आफूहरुले राखेको बताउनु भयो ।

संविधान संशोधनको २६ बुँदे मागसहित सरकारमा सहभागी भएको संघीय समाजवादी फोरम अब संविधान संशोधनको दिशामा सरकार अघि नबढे सरकारसँगको सहयात्राबाट पछि हट्ने सहअध्यक्ष श्रेष्ठले बताउनु भयो ।

संविधान संशोधनको २६ बुँदाहरुमध्ये अधिकांश मुद्धाहरु सरकारको नीति तथा कार्यक्रममा संबोधन भइसकेको बताउँदै बाँकी मुद्धाहरु संविधान संशोधनबाट मात्रै संभव रहेको उहाँकाे भनाइ थियाे ।

संघीय प्रेस फोरमका जिल्ला अध्यक्ष दिलीप कुमार यादवको अध्यक्षतामा सम्पन्न कार्यक्रममा संघीय समाजवादी फोरमका विदेश विभाग प्रमुख अर्जुन थापा, जिल्ला अध्यक्ष शैलेन्द्र यादव, ५ नम्बर प्रदेश सचिव सन्दिपकुमार पाण्डेय लगायतको उपस्थिति रहेको थियो ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्