कांग्रेस सांसदले मन्त्रीलाई घेरा हालेपछि फेरि स्थगित भयो संसद बैठक

माघ ८, २०७५ मंगलबार १६:३४:३९ | उज्यालो सहकर्मी

काठमाण्डौ - नेपाली कांग्रेसको अवरोधका कारण प्रतिनिधिसभाकाे आजको बैठक दोस्रो पटक पनि स्थगित भएको छ ।

पहिलो पटक १५ मिनेटका लागि स्थगित भएर सुरु भएको बैठक पुन: प्रमुख प्रतिपक्षि दल कांग्रेसका सांसदहरुले नाराबाजी गरेपछि स्थगित हुन पुगेको हो ।

सभामुख कृष्ण बहादुर महराले दोस्रो पटकको बैठकमा शिक्षामन्त्री गिरीराजमणि पोखरेललाई राष्ट्रिय चिकित्सा शिक्षा विधेयक–२०७५ पेश गर्न अनुमति दिनुभएको थियो ।

विधेयक पेश गर्न अघि बढ्नुभएका मन्त्री पोखरेललाई कांग्रेस सांसदहरुले पोडियम तर्फ जानै नदिई घेराबन्दी गरेर रोकेपछि बैठक पुन: १५ मिनेटका लागि स्थगित हुन पुगेको हो । मन्त्री पोखरेललाई घेरा हालेर कांग्रेस सांसदहरुले नाराबाजी गरेका थिए ।

तनहुँमा स्थापना गरिएको गिरिजा प्रसाद कोइराला श्वासप्रश्वास केन्द्र र बाँकेमा रहेको सुशील कोइराला प्रखर क्यान्सर अस्पताललाई केन्द्र सरकार मातहतमा राख्न माग गर्दै कांग्रेसले सांसद बैठक अवरुद्ध पारेको हो ।

यस अघि हिजोको बैठक पनि कांग्रेसले अवरुद्ध पारेको थियो ।

अन्तिम अपडेट: पुस २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्