शक्तिकाे दुरुपयाेग गर्दै सरकारले विधेयक पारित गरायाे : कांग्रेस

माघ ११, २०७५ शुक्रबार १७:२६:१९ | उज्यालो सहकर्मी

काठमाण्डाै - प्रमुख प्रतिपक्षी दल नेपाली कांग्रेसले सरकारले संविधान, कानुन तथा संसदीय मूल्य र मान्यता विपरीत ‘राष्ट्रिय चिकित्सा शिक्षा विधेयक’ पारित गरेको गम्भीर आरोप लगाएको छ ।

शुक्रबार प्रतिनिधिसभा बैठकले सत्तापक्षको बलमा राष्ट्रिय चिकित्सा शिक्षा विधेयक पारित गरेलगत्तै बसेको कांग्रेस संसदीय दलको आकस्मिक बैठकले लोकतान्त्रिक मूल्य र मान्यतामा समेत गम्भीर असर गर्ने गरी सरकारले विधेयक पारित गराएको निष्कर्ष निकाल्दै निन्दा र भत्सर्ना पनि गरेको हाे ।

सिंहदरबारमा रहेकाे पार्टी संसदीय दलको कार्यालयमा बसेको बैठकले शक्तिको दुरुपयोग गर्दै सरकारले सो विधेयक पारित गरेको उल्लेख गर्दै त्यसप्रति आपत्ति जनाएको पार्टी संसदीय दलका प्रमुख सचेतक बालकृष्ण खाँडले जानकारी दिनुभयो ।

बैठकले सभामुख कृष्णबहादुर महराकाे भूमिका विधेयक पारित गराउन सत्तापक्षका कार्यकर्ता जसरी प्रस्तुत भएको उल्लेख गर्दै आइन्दा त्यसो नगर्न पनि सचेत गराएको छ ।

सबैको साझा व्यक्तिको रुपमा सभामुखलाई आगामी दिनमा सभामुखकै भूमिका निर्वाह गर्न पनि सचेत गराइएको प्रमुख सचेतक खाँडले बताउनुभयो ।

संसदीय दलको बैठकले पार्टीका पूर्वसभापतिद्वय स्व‍.गिरिजाप्रसाद कोइराला र सुशील कोइरालाको नाममा स्थापना गरिएको दुई अस्पताल केन्द्र सरकार मातहतमा नल्याए सरकारविरुद्ध सदन र सडक दुवै ठाउँबाट संघर्ष चर्काउने चेतावनी पनि दिएको छ ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्