चिकित्सा शिक्षा विधेयकमा सबैको सुझाव समेटिएको छ : मन्त्री पोखरेल

माघ ११, २०७५ शुक्रबार १७:५१:३१ | उज्यालो सहकर्मी

काठमाण्डौ - शिक्षा, विज्ञान तथा प्रविधिमन्त्री गिरिराजमणि पोखरेलले २०६९ सालदेखि छलफल हुँदै आएको ‘राष्ट्रिय चिकित्सा शिक्षा विधेयक’ प्रतिनिधिसभाबाट पारित भएकोमा खुसी व्यक्त गर्नु भएको छ ।

मन्त्री पोखरेलले विधेयकमा डा. गोविन्द केसी र चिकित्सा क्षेत्र सुधारको माग गर्दै आएका सबैको सुझावलाई समेटेर पारित गरिएको दावी पनि गर्नु भयो । उहाँले चिकित्सा शाष्त्र अध्ययन संस्थानको नयाँ शैक्षिक सत्र वैशाखदेखि सुरु हुने भएकाले यो विधेयक पारित गराउन सरकारले अग्रसरता लिनु परेको पनि स्पष्ट पार्नु भयो ।

कांग्रेसको अवरोधकाबीच विधेयक पारित भएलगत्तै उहाँले अन्तरवस्तु र प्रक्रिया दुवै हिसावले विधेयक सही ढंगले पारित गरिएको पनि बताउनु भयो ।

मन्त्री पोखरेलले चिकित्सा क्षेत्र सुधारका लागि उपयोगी हुने यो विधेयक राष्ट्रिय सभाले पारित गरेपछि ऐनको रुपमा लिने र त्यसलाई सरकारले प्रभावकारी ढंगले कार्यान्वयनमा लैजाने प्रतिवद्धता पनि व्यक्त गर्नु भयो । उहाँले डा. केसीसँग गरिएको सहमति अनुसारको अन्तरबस्तुमै आधारित भएर सो विधेयक पारित गरिएको तर्क पनि गर्नु भयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्