अनसन स्थलबाट डा.केसीले भने: अब प्रधानमन्त्रीकाे राजीनामा

माघ ११, २०७५ शुक्रबार १८:१३:३१ | उज्यालो सहकर्मी

काठमाडौं - डा.गोविन्द केसीले आफ्ना माग पूरा नभएसम्म अनसन जारी राख्ने बताउनुभएको छ ।

शुक्रबार अनसनस्थलमा पत्रकार सम्मेलन गर्दै उहाँका सहयोगी डा.जीवन क्षेत्रीले संसदबाट पारित भएको चिकित्सा शिक्षा विधेयक डा.केसीसँग सरकारले गरेको सम्झौता अनुसार नआएको भन्दै अनसन जारी रहने बताउनुभएको हो ।

आफूसँग एउटा सम्झौता गर्ने र संसदबाट अर्को विधेयक पारित गराउने काम भएको भन्दै डा.केसीले प्रधानमन्त्री केपी शर्मा ओलीको राजिनामा माग गर्नुभएको छ ।

‘आफैले गराएको सम्झौता कार्यान्वयन गर्ने नैतिकताबाट च्युत भएको र आफ्नै विगतको निर्णयबाट विचलित प्रधानमन्त्रीले तत्काल नैतिकताका आधारमा राजीनामा दिनुपर्छ,’ पत्रकार सम्मेलनमा उहाँका सहयोगी डा.जीवन क्षेत्रीले भन्नुभयो ।

प्रधानमन्त्रीको निर्णय क्षमतामा उहाँको स्वास्थ्य अवस्था र उहाँले लिइरहेको औषधिका कारण प्रभावित भइरहेको भन्दै त्यसको मूल्य राष्ट्रले चुकाइरहनु दुर्भाग्यपूर्ण भएको पनि उहाँले बताउनुभयो ।

संसदबाट पारित भएको विधेयक पार्टीसँग साँटगाँट भएका अमूक मेडिकल कलेजको स्वार्थ अनुसार आएको उहाँले बताउनुभयो ।

यस्तै डाक्टर केसीले सबै नागरिकलाई एक हुन आह्वान पनि गर्नुभएको छ । यसैबीच डाक्टर केसीको समर्थनमा आवासीय डाक्टरहरुले पनि आन्दोलन चर्काउने घोषणा गरेका छन् ।

यस अघि सत्तारुढ नेपाल कम्युनिष्ट पार्टी (नेकपा)का नेता योगेश भट्टराईले राष्ट्रिय चिकित्सा शिक्षा विधेयक पारित भएकोमा खुशियाली मनाउन डाक्टर गोविन्द केसीलाई आग्रह गर्नु भएको थियो ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्