कांग्रेसका पूर्व सभापतिद्वयकाे नाममा खुलेका अस्पताल केन्द्र सरकारकै मातहत राख्ने निर्णय

माघ १५, २०७५ मंगलबार १६:३५:५० | उज्यालो सहकर्मी

काठमाण्डाै - प्रमुख प्रतिपक्षी दल कांग्रेसकाे विराेधका कारण सरकारले गिरिजाप्रसाद काेइराला र सुशील काेइरालाकाे नाममा रहेकाे अस्पताल संघीय सरकार मातहत नै राख्ने निर्णय गरेकाे छ ।

पार्टीका पूर्व सभापतिद्वयकाे नाममा स्थापना भएका अस्पताल सरकारले खारेज गर्ने षड्यन्त्र गरेकाे भन्दै कांग्रेसले सदन अवरुद्ध गर्दै आएकाे छ ।

मंगलबार बसेको मन्त्रिपरिषद बैठकले कांग्रेसका पूर्व सभापति स्व. गिरिजाप्रसाद कोइराला र सुशील कोइरालाकाे नाममा रहेका जीपी कोइराला राष्ट्रिय श्वासप्रश्वास उपचार केन्द्र, तनहुँ र सुशील कोइराला प्रखर क्यान्सर अस्पताल नेपालगञ्जलाई केन्द्र सरकारकै मातहतमा राख्ने निर्णय गरेको हाे ।

यसअघि यी दुवै अस्पताल प्रदेश सरकारको मातहतमा राख्ने निर्णय गरेपछि कांग्रेस विराेधमा उत्रिएकाे थियो ।

प्रधानमन्त्री केपी शर्मा ओली र कांग्रेस सभापति शेरबहादुर देउवाबीच सो विषयमा आइतबार राति प्रधानमन्त्री निवास वालुवाटारमा भएको भेटवार्ताका क्रममा नेताहरुकाे नाममा स्थापना भएकाे अस्पताल केन्द्र सरकार मातहतमा राख्ने सहमति भएकाे थियाे ।

देउवासँग भएकाे सहमति अनुसार नै मन्त्रिपरिषद् बैठकले दुवै नेताकाे नाममा रहेकाे अस्पताल केन्द्र सरकारकाे मातहत राख्ने निर्णय गरेकाे स्राेतकाे दावी छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्