किसानको हितमा काम नगर्ने कृषि मन्त्रालय खारेज गरिदिए हुन्छ : त्रिपाठी

माघ २५, २०७५ शुक्रबार १२:१७:२० | उज्यालो सहकर्मी

काठमाण्डौ - सांसद हृदयश त्रिपाठीले किसानको हितमा काम नगर्ने कृषि मन्त्रालय खारेज गर्नु माग गर्नुभएको छ ।

प्रतिनिधिसभाको आजको बैठकमा समय लिएर बोल्न सुरु गरेका त्रिपाठीले बिचौलियाकै पक्षमा काम गर्ने मन्त्रालयको आवश्यकता नरहेको बताउनुभयो ।

उखु उत्पादक किसानले अझैसम्म भुक्तानि पाउन नसकेको भन्दै उहाँले सरकार जसको भए पनि देशका किसानहरु राज्यबाट सँधै उपेक्षित हुँदै आउनुपरेको बताउनुभयो ।

सरकारले गएको वर्ष उखु खरिद समर्थन मूल्य तोकेर किसानले त्यसै अनुरुप चिनी मिललाई उखु विक्रि गरेको भए पनि मिलहरुले अझैसम्म पनि भुक्तानि नदिएर समस्यामा पारेको बताउनुभयो ।

सरकार र चिनी उद्योगीको लडाइँमा उखु उत्पादक किसानहरु मर्कामा परेको भन्दै त्रिपाठीले यो लडाइले झण्डै ७० प्रतिशत उखु किसानहरुले गएको वर्षको भुक्तानि पाउन नसकेको उल्लेख गर्नुभयो ।

सरकारको कारण यस वर्ष चिनी मिलहरु १ महिना ढिला गरी चलेको भन्दै यो ढिलाइले आगामी जेठ असारमा चिनीको अभाव देखिने उहाँले दाबी गर्नुभयो । चिनीको अभाव देखाएर फेरि पनि आयात गर्ने चलखेलमा सरकार र व्यवसायी नै लाग्ने र किसान सधैँ मर्कामा परिरहने उहाँको जिकिर थियो ।

सरकारले सँधै बिचौलियाहरुको पक्ष पोषण गरेको र त्यो क्रम अहिले पनि जारी रहेको भन्दै उहाँले उखु उत्पादकहरु हैरान र बिचौलियाहरु भने मालामाल हुँदै गएको बताउनुभयो ।

राजनीतिक दलको पनि ध्यान त्यसतर्फ जान नसकेको भन्दै उहाँले कांग्रेस मध्यमवर्गीयहरुको पार्टी र नेपाल कम्युनिष्ट पार्टी सर्वहाराहरुको भएकाले किसानको समस्यामा कसैको ध्यान जान नसकेको होला भन्दै व्यङ्ग्य गर्नुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्