मन्त्री राईले गरे एकैदिन तीन ठूला योजनाको शिलान्यास

माघ २८, २०७५ सोमबार १८:५८:३६ | गोविन्द शर्मा

बाँके – गृह जिल्लाको भ्रमणमा रहनुभएका शहरी विकास मन्त्री मोहम्मद इस्तियाक राईले सोमबार आफ्नाे निर्वाचन क्षेत्रमा तीनवटा ठूला योजनाको शिलान्यास गर्नुभएको छ । ।

बिहानैदेखि कार्यक्रममा ब्यस्त रहेका मन्त्री राईले सुरुमा शहरी विकास मन्त्रालयद्वारा नेपालगञ्ज उप–महानगरपालिकाको वडा नम्बर १४ मा ४५ करोड रुपैयाँको लागतमा निर्माण गर्न लागिएको नेपालगञ्ज सभागृहको शिलान्यास गर्नुभयो ।

त्यसपछि कारकादौं बाइपास खजुरा रोड कालोपत्रे तथा नाली निर्माण र चिल्डे«न पार्कको शिलान्यास गरे । १२ करोड बजेटको यो योजना २०७७ वैशाख २५ गतेभित्र काम सम्पन्न गर्ने गरी सम्झौता भएको छ ।

वडा नम्बर १२ मा सडक तथा नाली निर्माण बाल पार्क तथा पिक्निकस्थल निर्माण योजनाको पनि मन्त्री राईले शिलान्यास गर्नुभयो । एक करोड ३४ लाख बजेटको योजना २०७७ वैशाख २५ गते कार्य सम्पन्न गर्ने गरी निर्माण सुरु भएको छ । शिलान्यासका समयमा प्रदेश सांसद विजय यादव, नेपालगञ्जका मेयर डा. धवलशम्शेर राणालगायत पनि सहभागी रहनुभएको थियो ।

त्यस अवसरमा मन्त्री राईले विकास बजेट विनियोजनको मामिलामा बाँके निर्वाचन क्षेत्र नम्बर २ देशकै सबैभन्दा बढी प्राथमिकताको निर्वाचन क्षेत्रमा परेको भन्दै यसलाई नमुना क्षेत्र बनाइने दाबी गर्नुभयो ।

आफ्नो जिल्ला, नगर र गाउँको विकासका लागि सबै दल र स्थानीय बासिन्दा एकजुट हुनैपर्छ भन्दै उहाँले भन्नुभो, ‘भोलि निर्वाचनको बेलामा सबै आ–आफ्ना एजेण्डामा लागे पनि अहिले सबैले मिलेर विकासको एक मात्र एजेण्डामा लाग्नु पर्छ ।’

राईले आफ्नो निर्वाचन क्षेत्र नम्बर २ अन्तर्गत नेपालगञ्ज र डुडुवामा अहिले झण्डै ४५ किलोमिटर सडक कालोपत्रे गर्ने कार्यलाई विशेष प्राथमिकतामा राखिएको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्