घुस प्रकरणमा मुछिएका अख्तियार आयुक्त पाठकले दिए राजीनामा

फागुन ३, २०७५ शुक्रबार १३:४९:२४ | उज्यालो सहकर्मी

काठमाण्डौ –अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिनुभएको छ ।

राष्ट्रपति कार्यलय शीतल निवासमा राष्ट्रपति विद्यादेवी भण्डारीलाई पाठकले राजीनामापत्र बुझाउनुभएको राष्ट्रपति कार्यलयका प्रवक्ता छविन्द्र पराजुलीले उज्यालोलाई जानकारी दिनुभयो ।

नेपाल इञ्जिनियरिङ कलेजको विवाद मिलाइदिने भन्दै घुसबापतको रकम लिएको समाचार सार्वजनिक भएसँगै आयुक्त पाठकविरुद्ध सत्तारुढ दल नेपाल कम्युनिष्ट पार्टी नेकपामा महाअभियोग लगाउनेबारे छलफल भएको थियो ।

आजको प्रतिनिधिसभा बैठकमा महाअभियोग दर्ता गर्ने तयारी भएसँगै पाठकले त्यसअघि नै पदबाट राजीनामा दिनुभएको हो । तत्कालीन प्रधानमन्त्री सुशील कोइराला अध्यक्ष रहेको संवैधानिक परिषदले २०७१ सालको फागुनमा पाठकलाई आयुक्तमा नियुक्त गरेको थियो ।

अख्तियारमै परेको उजुरी मिलाइदिने भन्दै पाठकले फरक–फरक व्यक्तिबाट ७८ लाख रुपैयाँ लिएको समाचार बाहिर आएको छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्