कर्मचारी पक्राउ परेपछि बाँकेकाे मालपोत सेवा प्रभावित

चैत २०, २०७५ बुधबार १९:४३:३८ | गोविन्द शर्मा

बाँके – सरकारी जग्गा व्यक्तिको नाममा किर्ते गरेको अभियोगमा ९ जना कर्मचारी पक्राउ गरेपछि भूमिसुधार तथा मालपोत कार्यालय बाँकेको कामकाज प्रभावित भएको छ । चैत ४ गतेदेखि सुरु भएको कर्मचारी पक्राउको सिलसिला अझै जारी छ ।

कर्मचारीको अभाव भएपछि एकैदिनमा हुनुपर्ने काम ४-५ दिनसम्म लाग्ने गरेको सेवाग्राहीहरुले बताएका छन् । जिल्ला प्रहरी कार्यालय बाँकेले चैत ४ गते अनुसन्धानका क्रममा मालपोत कार्यालय बाँकेका नासु रामबहादुर खड्का, रुद्र देवकोटा र टंक शर्मा तथा कम्प्यूटर कर्मचारी यज्ञश्वर वली र प्रेमचन्द्र ठकुरी पक्राउ परेका हुन् । यसैगरी लेखनदार विरबहादुर खड्का पनि पक्राउ परेका छन् ।

त्यसपछि पनि नासु सुशील रिजाल, खरिदार सञ्जय ठाकुर, र कार्यालय सहयोगी अन्तराम चौधरी पक्राउ परेका छन् । शाखा अधिकृत हेमराज शर्मालाई समेत पक्राउ पुर्जी जारी गरिएको श्रोतले जनाएको छ ।

भूमि सुधार तथा मालपोत कार्यालय बाँकेका प्रमुख प्रेम दौल्यालले कर्मचारी अभाव सबैभन्दा ठूलो समस्या भएको बताउनुभयो । भूमि सुधार तथा मालपोत कार्यालय बाँकेले कर्मचारी अभाव भएपछि परेको समस्या बारे विभागमा जानकारी गराईसकेको जनाएको छ ।

५ जना शाखा अधिकृतको दरबन्दी रहेको मालपोतमा पछिल्लो समयमा कार्यरत शाखा अधिकृत शर्मा पनि नभएपछि कार्यालय प्रमुख उपसचिव दौल्याललाई मानसिक तनाव भएको छ । तोक, सनाखत प्रमाणीकरणदेखि लिएर मुद्धा फाँट सम्म प्रमु्ख दौल्यालले हेर्दै आउनुभएको छ ।

यसैगरी मालपोत कार्यालय बाँकेका पूर्व अधिकृत हाल जिल्ला हुलाक कार्यालय बाँकेका पुष्पा श्रेष्ठ, भूमि सुधार तथा मालपोत कार्यालय बर्दियाका मालपोत अधिकृत रामकुमार रोका,नासु कृष्णलाल शर्मा र खरिदार भूमिराज पोख्रेलसहित चारजना कर्मचारी समेत पक्राउ गरिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्