विभिन्न क्षेत्रका साधकलाई जनमत वाङ्मय प्रतिष्ठानकाे सम्मान

चैत २४, २०७५ आइतबार १२:५३:२१ | उज्यालो सहकर्मी

काठमाण्डाै - जनमत वाङ्मय प्रतिष्ठान नेपालले आफ्नो ३५ वार्षिकोत्सवका अवसरमा शनिबार विविध क्षेत्रमा याेगदान दिने व्यक्तित्वहरुलाई सम्मान गरेकाे छ ।

बनेपामा आयेजित कार्यक्रममा साहित्यकार, कलाकार, शिक्षासेवीलागायतका १० व्यक्तित्वलाई सम्मान गरिएकाे हाे ।

प्रतिष्ठानले जनमत पत्रिकाको माध्यमबाट अघिल्ला वर्षहरूमा विभिन्न साहित्यिक कार्यक्रम एवं यस किसिमको सम्मान गर्दै आएको छ। यसपाला सम्मानित हुनेहरुमा वरिष्ठ कलाकार हरिप्रसाद शर्मा (जनमत–महेन्द्रलाल कलाकार सम्मान), वरिष्ठ शिक्षासेवी तथा शिक्षाविद् डा. सुरेशराज शर्मा (जनमत–हृदयचन्द्र वरिष्ठ साधक सम्मान), वरिष्ठ साहित्यिक पत्रकार हिरण्यकुमारी पाठक (भारती–जनमत साहित्यिक पत्रकारिता सम्मान) तथा साहित्यिक अभियन्ता हनिफ मियाँ (जनमत–जनक सेवा सम्मान) हुनुहुन्छ।

कमला सैंजू–जनमत सम्मान ग्रहण गर्दै बालसाहित्यकार अनुराधा शर्मा

त्यस्तै सम्मानित हुने अन्य व्यक्तित्वहरुमा वरिष्ठ बालसाहित्यकार विनयकुमार कसजू (जनमत–केदार-सुदर्शना बालसाहित्य सम्मान), वरिष्ठ कथाकार देविका तिमिल्सिना (दीपा–जनमत सम्मान), वरिष्ठ साहित्यिक अभियन्ता काजी रोशन (गणेश-खिलकुमारी दुवाल–जनमत सम्मान), साहित्यकार रुकु कार्की (केवलपुरे–जनमत सम्मान), बालसाहित्यकार अनुराधा शर्मा (कमला सैंजू–जनमत सम्मान), साहित्यकार मिलन समीर (जनमत–राजभाइ सहयात्री सम्मान) रहनुभएकाे छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्