सेप्टिक ट्याङ्की सफा गर्ने क्रममा निसास्सिएर २ जनाकाे ज्यान गयाे

चैत २६, २०७५ मंगलबार १९:३९:३७ | गोविन्द शर्मा

बाँके - बाँकेको कोहलपुर नगरपालिकामा सेप्टिक ट्याङ्की सफा गर्ने क्रममा मंगलबार दुई जनाको ज्यान गएको छ ।

कोहलपुर नगरपालिका वडा नं. ११ स्थित पिपलचौतारा नजिकै रामप्रसाद सिग्देलको घरमा रहेको सेफ्टीट्याङ्की सफा गर्ने क्रममा कोहलपुर नगरपालिका–६ रझेनाका कुमार थारु र चेतराम थारुको ज्यान गएको इलाका प्रहरीले जनाएको छ । उनीहरु नातामा काका भतिजा पर्ने हुन् ।

स्थानीयका अनुसार सेप्टिक ट्याङ्की सफा गर्न भित्र छिरेका कुमार थारु ननिस्केपछि किन निस्केनन् भन्दै चेतराम थारु ट्याङ्की भित्र छिरेका थिए । तर चेतराम पनि निस्कन सकेनन् । उनीहरुको निसास्सिएर ज्यान गएको हुन सक्ने अनुमान प्रहरीको छ । उनीहरुको शव पोस्टमर्टमका लागि भेरी अञ्चल अस्पताल नेपालगञ्जमा ल्याइएको इलाका प्रहरी कार्यालय कोहलपुरले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्