बाह्रखरी राष्ट्रव्यापी खुला कथा प्रतियोगितामा बीना थिङको 'ब्याड भाले' प्रथम

वैशाख ६, २०७६ शुक्रबार १६:४:३२ | उज्यालो सहकर्मी

काठमाण्डाै - राष्ट्रव्यापी खुला कथा प्रतियोगितामा बीना थिङ तामाङको 'ब्याड भाले' शीर्षकको कथा प्रथम भएको छ ।

बाह्रखरी बुक्सले आयोजना गरेको डिस होम बाह्रखरी राष्ट्रव्यापी खुला कथा प्रतियोगितामा लक्ष्मण वियोगीको कथा 'टाउको' दोश्रो र सुमित्रा न्यौपानेको कथा 'बार्दली' तेश्रो भएको छ । बाह्रखरी बुक्सले शुक्रबार काठमाण्डाैमा विशेष कार्यक्रम गरी प्रतियोगिताको नतिजा सार्वजनिक गरेको हो ।

प्रतियोगितामा पहिलो हुनेले एक लाख, दोश्रोले ६० हजार र तेश्रो हुनेले ४० हजार रुपैयाँ नगद, सिल्ड र प्रमाणपत्र प्राप्त गरेका छन् । कार्यक्रममा प्रतियोगिताका लागि प्राप्त ९ सय बढी कथाबाट उत्कृष्ट २५ कथाको संग्रह पनि विमोचन गरिएको छ । उत्कृष्ट २२ कथाकारलाई पाँचहजार नगद सहित प्रमाणपत्र प्रदान गरिएको छ ।

प्रतियोगितामा पहिलो , दोश्रो र तेश्रो हुने तथा उत्कृष्ट २५ कथाका कथाकारलाई परराष्ट्रमन्त्री प्रदीप ज्ञवालीले पुरस्कार प्रदान गर्नुभएको थियो । मन्त्री ज्ञवालीले प्रतियोगितामा उत्कृष्ट २५ मा पर्ने कथाकारलाई बधाई तथा शुभकामना दिँदै आशावादी श्रृजनामा लागिरहन सुझाव दिनुभयो । साहित्य श्रृजना जीवनप्रति नै नैराश्यता ल्याउने नभई सधै जीवन बाँच्ने प्रेरणा प्रदान गर्ने किसिमको हुनुपर्नेमा उहाँले जोड दिनुभयो ।

बाह्रखरी बुक्सले कथा चयनका लागि आन्तरिक र बाह्य गरी दुईवटा कमिटी बनाएको थियो । प्रतीक प्रधान, राजेन्द्र पराजुली, गोविन्द अधिकारी, लेनिन बञ्जाडे, राजेश खनाल, अक्षर काकासहितको आन्तरिक कमिटीले चयन गरेका उत्कृष्ट २५ कथालाई डाक्टर दयाराम पाण्डे, डाक्टर अर्चना थापा तथा नयनराज पाण्डेको मुल्यांकन कमिटीले पहिलो, दोश्रो र तेश्रो कथा चयन गरेको थियो ।

प्रतियोगिताका लागि कथा पठाउनका लागि बाह्रखरीले गत माघ २१ देखि फागुन २० गते सम्म कथा आह्वान गरेको थियो ।

२५ भित्र जो छानिए

कथाकार शीर्षक

१. अनुपम रोशी जलकन्या
२. अन्वेष राई थुलुङ वार्ता
३. अभय श्रेष्ठ फुदुन सदाको मुक्ति
४. अरुणा चौधरी थारु घुम्टो
५. एकदेव अधिकारी भगवान्
६. कर्मसही घर्तीमगर धुपो
७. केशव सिग्देल नफर्किने यात्रा
८. गोपाल झापाली आमाको कोलम्बस
९. दुर्गा कार्की चाउमिन
१०. निरज दाहाल ठूलो मान्छे
११. प्रमोद अमात्य जुत्ता
१२. बिना थिङ तामाङ (प्रथम) ब्याड भाले
१३. माधव सयपत्री महानगरका बुद्धावतार
१४. मानसी चन्द्रिका
१५. मणि लोहनी अनुहार
१६. महेश थापा मुक्ति आश्रम
१७. मुना चौधरी आमाको सारी
१८. राजुबाबु श्रेष्ठ जङ्गे पिलर
१९. लक्ष्मण वियोगी (द्वितीय) टाउको
२०. विपुल सिजापति अक्षत योनि त्याग
२१. शिव प्रकाश आत्मभोग
२२. सुमित्रा न्यौपाने (तृतीय) बार्दली
२३. सुरेश यक्सो पेनिबा
२४. हरिमाया भेटवाल छिन्ली
२५. क्षितिज समर्पण भ्रूणात्मा

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्