विश्वकप क्रिकेट: भारतले अष्ट्रेलियालाई दियाे ३५३ रनको लक्ष्य

जेठ २६, २०७६ आइतबार १९:१८:२८ | उज्यालो सहकर्मी

आईसीसी एक दिवसीय विश्वकपमा भारतले साविक विजेता अष्ट्रेलियालाई तीन सय ५३ रनको बलियो लक्ष्य दिएको छ ।

लण्डनकाे ओभल मैदानमा टस जितेर पहिले ब्याटिङ गरेको भारतले ५० ओभरमा ५ विकेट गुमाउँदै तीन सय ५२ रन बनायो । निकै बलियो सुरुवात गरेको भारतले पहिलो विकेटका लागि एक सय २७ रनको साझेदारी गरेको थियो ।

उसका ओपनर रोहित शर्मा ५७ रन बनाएर आउट भएपछि भारतले पहिलो विकेट गुमायो । रोहितले ७० बलमा तीन चौका र एक छक्का प्रहार गरेका थिए । उनी अष्ट्रेलियाविरुद्ध दुई हजार रन पूरा गर्ने दोस्रो भारतीय खेलाडी समेत बनेका छन् । त्यसपछि दोस्रो विकेटका लागि शिखर धवन र कप्तान विराट कोहलीबीच ९३ रनको साझेदारी भएपछि भारत झन बलियो बन्यो ।

दुई सय २० रन बनाउँदा दुई विकेट गुमाएको भारतले तेस्रो विकेटका लागि पनि ७९ रनको साझेदारी गर्न सफल भयो । उसका लागि शिखर धवनले शतकीय पारी खेले । उनले १ सय नौ बलमा १६ चौकासहित एक सय १७ रन बनाए ।

यस्तै हार्दिक पाण्ड्याले २७ बलमा ४८ रन बनाए । जसमा उनले चार चौका र तीन छक्का प्रहार गरे । यस्तै कप्तान विराट कोहलीले पनि ८२ रनको योगदान गरे ।

यस्तै महेन्द्रसिंह धोनीले २७ रनको योगदान गरे ।

बलिङमा प्याट कमिन्स, मिचेल स्टार्क र मार्कस स्टोइनिसले एक-एक विकेट लिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्