नेपालगञ्ज गोल्डकपको पुरस्कारको राशी बढाइने

असार २५, २०७५ सोमबार १८:१५:३ | गोविन्द शर्मा

बाँके – नेपालगञ्जमा सञ्चालन हुँदै आएको नेपालगञ्ज गोल्डकपको पुरस्कार राशी यस वर्षदेखि बढाइने भएको छ ।

गोल्डकपको तेश्रो संस्करण पूरा गरिसकेको बाँके जिल्ला फुटबल सङ्घले सोमबार नेपालगञ्जमा पत्रकार भेटघाटमा दिएको जानकारी अनुसार, यस वर्षदेखि गोल्डकपको विजेतालाई सात लाख रुपैयाँ र उपविजेतालाई तीन लाख ५० हजार रुपैयाँ पुरस्कार प्रदान गरिने भएको छ ।

बाँके जिल्ला फुटबल संघका अध्यक्ष भोजराज शाहीले गोल्डकप आगामी माघ–फागुनमा सञ्चालन गर्ने गरी तयारी सुरु गरिएको जानकारी दिनुभयो । गएको संस्करणका विजेताले पाँच लाख र र उपविजेताले दुई लाख ५१ हजार रुपैयाँ प्राप्त गरेका थिए ।

नेपालगञ्ज गोल्डकपमा ए डिभिजनका क्लबहरुको सहभागिता हुने गरेको छ । वैशाख जेठमा अत्याधिक गर्मीमा गोल्डकप संचालन गरिँदा धेरै क्लबको सहभागिता नहुने देखेर यसपटक माघ–फागुनमै गोल्डकप गर्ने तयारी रहेको अध्यक्ष शाहीले बताउनुभयो ।

यसैबीच संघले नेपालगञ्ज उपमहानगरपालिकाको धम्बोझीमा १२ वर्ष मूनिका खेलाडीको प्रशिक्षणका लागि फुटबल एकेडेमी सञ्चालन गर्ने भएको छ । धम्बोझीमा एकेडेमीका लागि वडा कार्यालयले एक बिघा जग्गाको व्यवस्थापन गरेको संघले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्