त्रिभुवन अन्तर्राष्ट्रिय विमानस्थलमा जहाज उडान र अवतरण प्रभावित

पुष १८, २०७६ शुक्रबार १४:२०:५६ | उज्यालो सहकर्मी

काठमाण्डाै - वर्षाका कारण भिजिबिलिटी कम हुँदा त्रिभुवन अन्तर्राष्ट्रिय विमानस्थलबाट हुने उडान र अवतरण प्रभावित भएका छन् ।

वर्षासँगै मौसम धुुम्मिएकाले आन्तरिक र बाह्य उडान अवतरण प्रभावित भएका विमानस्थल कार्यालयका प्रवक्ता देवचन्द्रलाल कर्णले जानकारी दिनुभयो । उहाँका अनुसार आन्तरिकतर्फ केहीबेर कुनै उडान र अवतरण हुन सकेको थिएन भने बाह्य उडानका विमानलाई डाइभर्ट गरिएको थियाे ।

एयर चाइनालाई छेन्दु, थाई एयरवेजलाई कलकत्ता, कतार एयरवेज र चाइना सदनलाई ढाका र सिचुवानका विमानलाई लासामा डाईभर्ट गरिएको छ । अहिले पनि अवतरणकाे पर्खाइमा केही जहाज आकाशमा घुमिरहेका छन् । उडानका लागि कम्तीमा पनि भिजिबिलिटी १३ सय मिटर आवश्यक पर्छ । तर केहीबेर भिजिबिलिटी ८ सय मिटर मात्रै रहेको मौसम पूर्वानुमान महाशाखाले जनाएको छ ।

साना विमानका लागि १३ सयदेखि माथि र ठूला विमान उडान अवतरणका लागि दुई हजार मिटर भन्दा माथिको भिजिविलिटी आवश्यक पर्छ ।

अहिले भर्खरै भने माैसममा सुधार भएका कारण उडान र अवतरण सुरु भएकाे विमानस्थलले जनाएकाे छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्