लकडाउन उल्लङ्घन गर्ने ६ सय ९४ गाडी नियन्त्रणमा

चैत २५, २०७६ मंगलबार २०:५७:८ | उज्यालो सहकर्मी

काठमाण्डौ - लकडाउनको अवज्ञा गर्ने ६ सय ९४ ओटा गाडीलाई आज काठमाण्डौ उपत्यकाका विभिन्न ठाउँबाट ट्राफिक प्रहरीले नियन्त्रणमा लिएको छ ।

अनुमति नलिइ आफूखुशी चलाएका ६ सय ३८ ओटा दुई पांग्रे र ५६ ओटा चार पांग्रे गाडीलाई ट्राफिक प्रहरीले नियन्त्रणमा लिएको महानगरीय ट्राफिक प्रहरी महाशाखाले जनाएको छ ।

काठमाण्डौ उपत्यकामा चैत्र ११ गतेदेखि लकडाउन उल्लङ्घन गर्ने ५ हजार १ सय ९१ वटा गाडी नियन्त्रणमा लिइसकेको महाशाखाले जनाएको छ ।

लकडाउनको अवधिमा अत्यावश्यक काम बाहेक सर्वसाधारणलाई घरबाट बाहिर निस्कन समेत प्रतिबन्ध लगाइएको छ । यो अवस्थामा काठमाण्डौ उपत्यकका विभिन्न ठाउँमा आज मात्रै लकडाउन उल्लङ्घन गर्ने १ हजार ८ सयभन्दा बढी पैदलयात्रीलाई महानगरीय प्रहरीले नियन्त्रणमा लिएको छ ।

केही समय राखेर सम्झाई बुझाई गरी उनीहरुलाई छोडिएको महानगरीय प्रहरी कार्यालय रानीपोखरीले जनाएको छ ।

महानगरीय ट्राफिक प्रहरी महाशाखाले दिनमा १ सय ५५ र रातमा ४५ ठाउँमा चेकप्वाइन्ट राखेर गाडीहरू जाँच गरिरहेको छ । ट्राफिक प्रहरीले मुख्य सडक बाहेक भित्री क्षेत्रमा मोटरसाइकलमा ट्राफिक प्रहरी खटाएको महाशाखाका प्रमुख प्रहरी वरिष्ठ उपरीक्षक भिम प्रसाद ढकालले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्