निःसन्तान दम्पतीले थाले वृक्षारोपण अभियान

साउन १३, २०७५ आइतबार १६:४३:४ | राजु लामिछाने

रुकुम पूर्व – वन जंगल मासिँदै गएको भन्दै यहाँका एक दम्पतीले गएको केही वर्ष यता विभिन्न सार्वजनिक स्थानहरुमा वृक्षारोपण गर्दै आएका छन् ।

बस्ती नै हरियाली बनाउने संकल्पका साथ जिल्लाको भुमे गाउँपालिका वडा नम्बर–२, मा बस्ने श्रीमान बुढाका दम्पतीले २०७० सालदेखि वृक्षारोपण कार्यलाई निरन्तरता दिइरहनु भएको छ ।

श्रीमान बुढा र उहाँकी श्रीमती पुनसरा बुढाले सार्वजनिक स्थानहरुमा आफ्नै खर्चमा विभिन्न प्रजातिका बिरुवाहरु खरिद गरी वृक्षारोपन गर्दै आउनुभएको हो ।
४८ वर्षीया श्रीमान बुढाका छोराछोरी छैनन् । सन्तान नभएपछि सार्वजनिक क्षेत्र हरियाली बनाउने सोच बोक्नु भएका उहाँहरुको समाजसेवाको कामलाई गाउँपालिका र स्थानीय नागरिकले पनि सहयोग गर्ने प्रतिवद्धता जनाउनुभएको छ ।

बुढा दम्पतीले काँक्री स्वास्थ्य चौकी क्षेत्र, संग्राहालय क्षेत्र तथा त्यहाँ रहेका अन्य सार्वजनिक स्थानमा कतै निःशुल्क बिरुवा जुटाएर त, कतै किनेर समेत वृक्षरोपण गर्नुभएको छ । स्थानीय जयमान बुढाका अनुसार उहाँहरुले धूपीसल्ला, नास्पती, उत्तिस, मेल, देयर गरी ६ सय १० बिरुवा रोप्नुभएको छ । बिरुवा खरिदका लागि मात्रै उहाँले अहिले ४० हजार रुपैयाँ खर्च गरिसक्नु भएको छ ।

वन जंगल संरक्षणमा लाग्नका लागि सन्देश फैलाउन तथा सार्वजनिक स्थानलाई हराभरा बनाउने उदेश्यले सार्वजनिक स्थानहरुमा वर्सेनि वृक्षारोपन गर्ने गरेको बुढाले जानकारी दिनुभयो । उहाँले सबैजना रुख बिरुवा जोगाउनतर्फ लाग्नुपर्ने बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्