स्थानीय तहबाटै १४ जोडीको सम्बन्ध विच्छेद

साउन १४, २०७५ सोमबार १५:१३:५२ | राजु लामिछाने

रुकुम पश्चिम – रुकुम पश्चिमका ६ स्थानीय तहबाट गएको आर्थिक वर्षमा १४ ओटा सम्बन्ध विच्छेद भएका छन् ।

तीन नगरपालिका र तीन गाउँपालिकामा रहेका न्यायिक समितिले १४ जोडीको सम्बन्ध विच्छेद गराइदिएका हुन् । स्थानीय सरकार सञ्चालन ऐन २०७४ को परिच्छेद ८ मा न्यायिक समितिले मेलमिलापका माध्यमबाट सम्बन्ध विच्छेद गराउन पाउने व्यवस्था भएपछि स्थानीय तहमै यो व्यवस्था कार्यान्वयन हुन थालेको हो ।

एक वर्षमा मुसिकोट नगरपालिकामा गठीत न्यायिक समितिले सबैभन्दा बढी चार वटा सम्बन्ध विच्छेद गराएको छ । तीन महिला र एक पुरुषका तर्फबाट आएको मुद्धा माथी सुनुवाई गर्दै समितिले सम्बन्ध विच्छेद गराइदिएको बताइएको छ ।

त्यस्तै चौरजहारी नगरपालिका, बाँफिकोट गाउँपालिका र त्रिवेणी गाउँपालिकाले तीन/तीन वटा सम्बन्ध विच्छेद गराएका छन् । चौरजहारी नगरपालिकामा तीन वटै मुद्धा पुरुषले दिएका थिए भने बाँफिकोट गाउँपालिकामा सबै महिलाले मुद्धा दिएका थिए । त्रिवेणी गाउँपालिकामा दुई महिला र एक पुरुषले सम्बन्ध विच्छेदका लागि मुद्धा दिएको सम्बन्धित न्यायिक समितिले जनाएका छन् ।

आठबीसकोट नगरपालिकामा भने एउटा मात्र सम्बन्ध विच्छेद भएको छ । सम्बन्ध विच्छेदका लागि तीन वटा मुद्धा परे पनि दुईवटा मुद्धामा दुवै पक्ष मिलेर बस्न राजी भएपछि उनीहरुको सम्बन्ध विच्छेद नभएको न्यायिक समिति संयोजक गीता नेपालीले बताउनुभयो ।

चौरजहारी नगरपालिकाले पनि पहिला मुद्धा दिएरपछि सम्बन्ध कायम राख्न चाहन्छौ भन्ने एक जोडीको मुद्धा मिलाइदिएको छ । सानीभेरी गाउँपालिकाले भने एउटा पनि सम्बन्ध विच्छेदको म्द्धा निरुपण गरेको छैन् । न्यायिक समितिमा सम्बन्ध विच्छेदका मुद्धा आए पनि ती मुद्धामा न्यायिक समितिमा छलफल नगराई जिल्ला अदालतमा पठाउने गरेको न्यायिक समिति संयोजक इन्दिरा ओलीले जनाउनुभयो ।

न्यायिक समितिमा विशेष गरी वैदेशिक रोजगार लगायतका विभिन्न कारणले सम्बन्धमा दरार आई सम्बन्ध विच्छेदका लागि मुद्धा आउने गरेका छन् । त्यस्तै श्रीमानले कुटपिट गर्ने, बच्चा बच्ची नभएका र श्रीमतीले वास्ता नगर्ने गरेका कारण पनि सम्बन्ध विच्छेदका लागि मुद्धाहरु आइरहेको न्यायिक समितिहरुले जनाएका छन् ।

न्यायिक समिति मार्फत सम्बन्ध विच्छेद गर्दा सजिलो र छिटो हुने भएपछि न्यायिक समितिमा सम्बन्ध विच्छेदका मुद्धा बढ्न थालेका छन् । घर नजिकै रहेको न्यायिक समितिबाट पनि सम्बन्ध विच्छेद हुने भएपछि मुद्धाहरु न्यायिक समितिमा आउने क्रम बढेको छ ।

यसअघि सम्बन्ध विच्छेदका लागि जिल्ला सदरमुकाममा रहेको जिल्ला अदालत पुग्नुको विकल्प थिएन । न्यायिक समितिबाट सम्बन्ध विच्छेद गर्दा प्रक्रिया सरल र छोटो भएकाले पनि सम्बन्ध विच्छेदका मुद्धा स्थानीय तहमै पर्न थालेको मुसिकोट न्यायिक समिति संयोजक प्रेमकुमारी सुनारले बताउनुभयो ।

‘हामीले मुद्धा आएको एक हप्तामै फछ्र्यौट गर्ने प्रयास गरिरहेका छौं, छिट्टै मुद्धा टुंगिन्छ भन्ने लागेर न्यायिक समितिमा अन्य मुद्धा जस्तै सम्बन्ध विच्छेदका मुद्धा आउने क्रम बढेको हो’, संयोजक सुनुवारले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्