बर्दिया : अहिलेसम्म १४१ जनाले जिते कोरोना, अब ३९ जनामात्रै आइसोलेशनमा

असार १८, २०७७ बिहीबार २०:२७:३९ | भावुक योगी

बर्दिया – बर्दियामा कोरोना भाइरसकाे सङ्क्रमणबाट निको हुनेको सङ्ख्या बढ्दै गएको छ ।

बर्दियामा बिहीबारसम्म एक सय ४१ जना कोरोनामुक्त भएर घर फर्केका छन् । कोरोना जित्नेमध्ये एक सय २७ जना पुरुष र १४ जना महिला छन् । अहिले पाँच जना महिला र ३४ जना पुरुष गरी जम्मा ३९ जनामात्र आइसोलेशनमा रहेका छन् ।

उनीहरुको बर्दियाका विभिन्न आइसोलेशन कक्षमा उपचार भइरहेको स्वास्थ्य कार्यालय बर्दियाले जनाएको छ । जिल्ला प्रशासन कार्यालय बर्दियाले बिहीबार सार्वजनिक गरेको तथ्याङ्कअनुसार प्राथमिक स्वास्थ्य केन्द्र मगरागढीको आइसोलेशनमा पाँच जना, बाँसगढीको आइसोलेशनमा एक जना, मैनापोखरमा तीन जना, शिवपुर स्वास्थ्य चौकीमा एक जना र कभर्डहल गुलरियाको आइसोलेशनमा १३ जना उपचारत छन् ।

यसैगरी बाँकेको खजुरा कोरोना विशेष अस्पतालमा चार जना, राजापुरको आइसोलेशनमा तीन जना, ठाकुरबाबा नगरपालिकाको भवनमा पाँच जना र गेरुवा गाउँपालिकाको आइसोलेशनमा चार जना उपचारका क्रममा छन् ।

बर्दियामा अहिलेसम्म आरडीटी विधिबाट १२ हजार तीन सय ९४ जनाको स्वास्थ्य परीक्षण गरिएको छ । त्यस्तै तीन हजार एक सय ३९ जनाको पीसीआर विधिबाट स्वास्थ्य परीक्षण गरिएको जिल्ला प्रशासन कार्यालयले जनाएको छ । पीसीआर परीक्षणकाे लागि सङ्कलन गरिएको स्वाबमध्ये ९६ जनाको रिपोर्ट आउन बाँकी छ ।

बर्दियामा क्वरेण्टीनमा बस्नेको सङ्ख्या पनि घट्दै गइरहेको छ । बर्दियाका विभिन्न ठाउँमा रहेको क्वरेण्टीनमा अहिले सात सय ६५ जना छन् । क्वरेण्टीनमा खाली हुँदै गएपछि अधिकांंश क्वरेण्टीन बन्द गरिएका छन् । १४ दिन क्वरेण्टीनमा बस्दा कुनै लक्षण नदेखिएका व्यक्ति घर फर्केपछि क्वरेण्टीनमा बस्नेको सङ्ख्या कमी हुँदै गएको स्वास्थ्य कार्यालयले जनाएको छ ।

अर्कोतर्फ भारतलगायत अन्य ठाउँबाट आउने क्रम पनि बिस्तारै कम हुँदै गएपछि क्वरेण्टीन रित्तिँदै गएको स्वास्थ्य कार्यालयको भनाइ छ । जिल्ला प्रशासन कार्यालय बर्दियाका अनुसार जेठ १ गतेदेखि अहिलेसम्म देशमा विभिन्न ठाउँ र भारतबाट गरी जम्मा सात हजार एक सय ७३ जना नागरिक बर्दिया जिल्ला भित्रिएका थिए ।

प्रशासनले बर्दिया जिल्ला भित्रने सबैलाई आ-आफ्नो पालिकाको क्वरेण्टीनमा १४ दिन अनिवार्य बस्नुपर्ने नियम लागू गरेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्