रुकुम पश्चिम : आठबीसकोटका झण्डै १४ सय घरधुरी एक महिनादेखि खाद्यान्न अभावमा

भदौ ३१, २०७७ बुधबार २०:२३:२१ | राजु लामिछाने

रुकुम पश्चिम – रुकुम पश्चिमको आठबीसकोट नगरपालिकाको तीन वडामा खाद्यान्न अभाव भएको छ । नगरपालिकाको वडा नम्बर १, २ र ३ मा रहेका १४ सय घरधुरीमा एक महिना अघिदेखि खाद्यान्नको अभाव रहेको छ ।

तीनवटै वडामा महिना दिनयता खाद्यान्न अभाव भए पनि अहिलेसम्म आपूर्ति हुन नसकेको वडा नम्बर ३ का वडाध्यक्ष केशरमान विकले बताउनुभयो । उहाँका अनुसार वर्षाका कारण बन्द भएको सडक नखुल्दा खाद्यान्न ढुवानी गर्न नसकिएपछि गाउँमा अभाव कायमै रहेको हो ।

‘मेरो वडामा मात्र पाँच सय ३० घरधुरी खाद्य अभावमा रहेका छन्’, वडाध्यक्ष विकले भन्नुभयो, ‘तीनै वडाका झण्डै १४ सय घरधुरी अहिले खाद्यान्नको अभावमा रहेका छन् ।’ अहिले घोडा, खच्चडमार्फत ढुवानी गरिएको चामल सबैलाई नपुगेपछि त्यहाँका नागरिक समस्यामा छन् ।

रुकुम पश्चिमकाे खाद्य व्यवस्था तथा व्यापार कम्पनी लिमिटेड शाखा कार्यालयले स्यालाखदीमा बिक्री केन्द्रको लागि पाँच सय क्विन्टल चामलको कोटा निर्धारण गरिएको र टेन्डर पनि स्वीकृत भइसकेकोले अब तत्कालै खाद्यान्न आपूर्ति हुने जनाएको छ ।

स्यालाखदीमा खाद्यान्न अभावको दीर्घकालीन समाधानका लागि डिपो राख्ने योजनासमेत रहेको खाद्य व्यवस्था तथा व्यापार कम्पनी लिमिटेड जिल्ला शाखाका निमित्त प्रमुख चन्द्रबहादुर खड्काले बताउनुभयो ।

गाउँमा चामल अभाव भएपछि व्यापारीहरुले मनोमानी ढङ्गले मूल्य बढाएको गुनासो बढेको छ । अहिले त्यहाँ एक क्विन्टल चामलको मूल्य सात हजार पाँच सयभन्दा बढी लिने गरेका छन् । यसतर्फ सम्बन्धित निकायको ध्यान जानुपर्ने स्थानीबासीले बताएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्