सात कार्यालयमा छड्के अनुगमन, कार्यालय प्रमुखसहित १७ कर्मचारी अनुपस्थित : न बिदा स्वीकृत, न कार्यालयलाई जानकारी

मंसिर ९, २०७७ मंगलबार १४:२३:१० | राजु लामिछाने

रुकुम पूर्व - रुकुम पूर्वको अस्थायी सदरमुकाम रुकुमकोटमा रहेका सात वटा सरकारी कार्यालयका १७ जना कर्मचारी सोमबार कार्यालयमा भेटिएनन् ।

जिल्ला प्रशासन कार्यालय रुकुम पूर्वले कार्यालयमा कर्मचारीको अनियमितताबारे गुनासो बढेपछि छड्के अनुगमन गरेको हो । अनुगमनको क्रममा पाँच ओटा कार्यालयका कार्यालय प्रमुखसहित १७ जना कर्मचारी अनुपस्थित रहेको प्रमुख जिल्ला अधिकारी राजकुमार राईले बताउनुभयो । बिदा नै नलिइ कर्मचारीहरु कार्यालयमा अनुपस्थित भएका हुन् ।

नागरिकमैत्री सेवा प्रवाह भरपर्दो बनाउने उद्देश्यले छड्के अनुगमनको काम सुरुवात गरिएकाे प्रजिअ राईले बताउनुभयो । सेवा प्रवाहको अवस्था, कर्मचारीको अनुशासन र मर्यादा जाँच गर्न पनि कार्यालयमा निरीक्षण गरिएको प्रमुख जिल्ला अधिकारी राजकुमार राईले जनाउनुभयो । ‘एकैदिन सात वटा सरकारी कार्यालयका १७ जना कर्मचारी बिदा स्वीकृति नगरि कार्यालयमा अनुपस्थित रहेको पाइयो’, प्रजिअ राईले भन्नुभयो, ‘जानकारी र बिदा बिना नै कार्यालयमा नआउनु पेसाप्रतिको लापरबाही हो ।’

प्रधानमन्त्री कृषि आधुनिकीकरण परियोजना कार्यान्वयन एकाइ कार्यालय, सडक पूर्वाधार विकास कार्यालय, स्वास्थ्य सेवा कार्यालय, डिभिजन वन कार्यालय, मालपोत कार्यालय, नापी कार्यालय र एकीकृत कृषि तथा पशुपंक्षी विकास कार्यालयमा अनुगमन गरिएको जिल्ला प्रशासन कार्यालय रुकुम पूर्वले जनाएको छ ।

अनुपस्थित कर्मचारीलाई आज मंगलबार नै कारबाहीको प्रक्रिया सुरु गरिने जिल्ला प्रशासन कार्यालयले जनाएको छ । ‘पहिलो पटक स्पष्टीकरण सोधिने छ’ प्रजिअ राईले भन्नुभयो, ‘स्पष्टीकरण चित्त बुझ्दो नभए, लापरबाही गरिएको पाइएमा विभागीय कारबाहीको लागि प्रक्रिया अगाडि बढाइने छ ।’

अधिकांश कार्यालय ‘भद्रगोल’

अनुगमन गरिएका अधिकांश कार्यालयका कर्मचारीहरू तोकिएको पोसाक नलगाएको, नागरिक वडापत्र व्यवस्थित रूपमा नराखिएको, कार्यालय परिसरमा सरसफाई नगरिएको, सहायता कक्ष, गुनासो पेटिका, नियमित सूचना सार्वजनिक नगरिएको, कार्य सम्पादनको अभिलेखीकरण नराखिएको, नव प्रवर्द्धनात्मक क्रियाकलाप नगरिएको पाइएको छ ।

‘पहिलो पटक सुझाव दिइएको छ’, प्रजिअ राईले भन्नुभयो, ‘आउँदाे दिनहरूमा सेवामैत्री क्रियाकलापहरूमा ध्यान नगरिएको पाइएमा कसैलाई छुट दिइने छैन ।’

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्