अफगानिस्तानको पाठ्यक्रम मुस्लिम कानुनअनुसार पुनरावलोकन गरिने

असोज ९, २०७९ आइतबार ६:५२:४ | एजेन्सी

अफगानिस्तानको पाठ्यक्रम मुस्लिम कानुन अनुसार पुनरावलोकन गरिने भएको छ ।

तालिबान सरकार गठन भएपछि मुस्लिम कानुनलाई प्राथमिकता दिँदै आएकाले पाठ्यक्रम पनि त्यहीअनुसार परिमार्जन गर्न लागिएको तालिबान सरकारको उच्च शिक्षा मन्त्रालयका प्रवक्ता अहमद ताक्विले बताउनुभयो । उहाँका अनुसार ३५ वटा पाठ्यक्रम परिमार्जनको अन्तिम चरणमा पुगेको छ ।

अरु केही पाठ्यक्रम परिमार्जनको गृहकार्य भइरहेको छ । पाठ्यक्रम परिमार्जन गर्दा मुस्लिम संस्कृति, परम्परा, मूल्य मान्यतालाई सकेसम्म धेरै समेट्ने र अन्तर्राष्ट्रिय मापदण्ड अनुसारको बनाउने शिक्षा मन्त्रालयको दाबी छ ।

परिमार्जनको अन्तिम चरणमा रहेका ३५ मध्ये २० वटा स्नातक तहका र १५ ओटा स्नातकोत्तर तहका रहेका समाचार संस्था एएनआईले जनाएको छ । अफगानिस्तानमा अहिले १ सय ६५ वटा फरक–फरक शैक्षिक पाठ्यक्रम देशभरि लागू भएको अवस्थामा छन् ।

तालिबान सरकारले छात्रालाई विद्यालयमा पठनपाठन प्रतिबन्ध गरेको छ । उनीहरूलाई रोजगारी गर्न समेत रोकिएको छ । त्यसैगरी महिलाहरूलाई घर बाहिर जानु परेमा बुर्का लगाएर र कम्तीमा एक जना आफन्तलाई सँगै लिएर जान आदेश छ । यी आदेशकाविरुद्ध अफगानिस्तानमा निरन्तर आन्दोलन भइरहे पनि तालिबान सरकारले बेवास्ता गर्दै आएको छ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्