साउदीको दमाम र जुवेलमा शिविर राखेर राहदानी सङ्कलन गर्न सकिँदैन : दूतावास

मंसिर १, २०७९ बिहीबार १२:१८:४७ | उज्यालो सहकर्मी

काठमाण्डौ – साउदीमा रहेको नेपाली दूतावासले दमाम र जुवेलमा शिविर राखेर राहदानी सङ्कलनको आवेदन सङ्कलन गर्न नसकिने बताएको छ ।

दूतावासको अहिलेको जनशक्तिले धान्नेभन्दा बढी सङ्ख्यामा विद्युतीय राहदानीका लागि आवेदन परेको भन्दै दूतावासले यी दुई क्षेत्रमा राहदानीको आवेदन सङ्कलन गर्न नसकिने बताएको हो ।

यसअघि साउदीको दमाममा सञ्चालन गरेको शिविरमा एकै दिन विद्युतीय राहदानीका लागि ४७० जनाले आवेदन दिएका थिए । तर अहिलेको जनशक्तिले प्राविधिक रूपमा दैनिक १३० जनाको मात्र आवेदन लिन सक्ने दूतावासले बताएको छ ।

पछिल्लो समय साउदीको पूर्वी क्षेत्रमा रहेका आवेदकको भने बनेर आएको राहदानी वितरणको व्यवस्था दूतावासले गरेको छ ।

प्राविधिक रूपमा दैनिक एक सय जनाभन्दा कम आवेदक हुन सक्ने स्थानमा मात्र राहदानी आवेदन सङ्कलनको शिविर राख्ने सकिने दूतावासको भनाइ छ ।

दूतावासले अहिले कै अवस्थामा साउदीको सकाका, हायल, ओनैजा र बुरैदाभन्दा बाहेकका अन्य स्थानमा राहदानी नवीकरणका लागि शिविर सञ्चालन गर्ने छैन ।

सकाकामा २ डिसेम्बरमा राहदानी नविकरणको आवेदन सङ्कलन शिविर सञ्चालन हुने छ । यो स्थान दूतावासभन्दा एक हजार किलो मिटर टाढा पर्छ ।

सकाका, अरार, तुरैफ, अल कुरैयात लगायत सकाकाबाट नजिक पर्ने ठाउँमा रहेका नेपालीलाई आफ्नो राहदानी नवीकरण गर्नु पर्ने भएमा यही दिनका लागि आफ्नो विवरण टिपाउन समेत अनुरोध गरेको छ ।

दूतावासमा सूर्य न्यौपानेलाई ०५५९०५२९१५, शालिकराम पोखरेललाई ०५९२५७४६२९ र अरार क्षेत्रको समन्वयको लागि ज्ञानु राईलाई ०५९३३२२४५१ सम्पर्क गर्न सकिन्छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्